APM ၊ စပ်တမ်ဘာ ၁၅ / ၂၀၂၃
မန်ချက်စတာယူနိုက်တက်အသင်းစွာ တောင်ပံတိုက်စစ်ကဇတ်သမား ဂျေဒန်ဆန်ချို ကို စည်းကန်းပိုင်ဆိုင်ရာချိုးဖောက် ခလို့ အသင်းကြီးလူစာရင်းကနီ ယာယီထုတ်ပယ်ထားပနာ သီသန်းတယောက်တည်း လိကျင့်ဖို့ ညွန်ကြားထားရေလို့ စပ်တမ်ဘာ ၁၄ ရက်နိက ထုတ်ပြန်ပါရေ။
အသက် ၂၃ နှစ်အရွယ် ဆန်ချို စွာ ပြီးခရေ စပ်တမ်ဘာ ၃ ရက်နိက အာဆင်နယ်ကို ၃ဂိုး ၁ ဂိုးနန့်ယှုံးခရေပွဲမာ လူစာရင်းကနီ ချန်ထားခံခရရေအတွက် “တရားမျှတမှုကင်းမဲ့ရေ” လို့ ဆိုပြီးကေ လူမှုမီဒီယာထက်မာ ပြောကြားခပါရေ။
ယင်းနောက်မာတော့ နည်းပြတန်ဟက်ဂ် နန့် စကားများပနာ အသင်းကြီးနန့်အတူ လိကျင့်ခန်း ဆင်းခွင့် နန့် ပွဲထွက်လူ စာရင်းက လည်း ယာယီပိတ်ပင် ခံခရစွာပါ။
ဂျေဒန် ဆန်ချိုစွာ ဒေဂုချိန်ကစလို့ တယောက်တည်း လိကျင့်ခန်းတိ ပြုလုပ်လားပါဖို့။ စည်းကမ်းချိုးဖောက်မှု အတွက် ဂုပိုင် အပြစ်ပီးခံခရစွာပါလို့ မန်ယူ၏ ထုတ်ပြန်ချက်မာ ဖော်ပြထားပါရေ။
၂၀၂၁ ခုနှစ်က ဒေါ့မွန်အသင်းကနီ မန်ယူသို့ ရောက်လာရေ ဆန်ချိုစွာ မန်ယူအတွက် ၇၁ ပွဲကဇတ်ထားပြီးကေ ၁၁ ဂိုးသွင်း ယူထားပနာ ပြီးခရေရာသီကတော့ တယောက်တည်းသီးခြား လိကျင့်မှုတိပြုလုပ်ခရရေအတွက် အသင်းပွဲစဉ်အများ အပြားကို လွဲချော်ခရပါသိမ့်ရေ။
Source- Manchester United have suspended Sancho from the team/Reuters
Photo-Daily Mail
