
APM ၊ စပ်တမ်ဘာ ၁၅ / ၂၀၂၃
ဘင်္ဂလားဒေ့ချ်နိုင်ငံမာ စပ်တမ်ဘာ ၁၄ ရက်နိအထိ ဒေနှစ်အတွင်း သွီးလွန်တုပ်ကွေးကြောင့် သီဆုံးလူ ၇၇၈ ယောက်အထိ တိုးလာပြီးကေ ရောဂါဖြစ်တေလူပေါင်း ၁၅၇၁၇၂ ယောက် ဟိလာယာလို့ ကျန်းမာရီးဝန်ကြီးဌာနက ထုတ်ပြန်ပါရေ။
ဘင်္ဂလားဒေ့ချ်နိုင်ငံရေ ဒေနှစ်အတွင်း သွီးလွန်တုပ်ကွေး စံချိန်တင်ဖြစ်ပွားမှုကို ရင်ဆိုင်နီရပြီးကေ အာဏာပိုင်တိ၏ ညှိနှိုင်းတုံ့ပြန်မှု အားနည်းမှုကြောင့် သီဆုံးမှုများလာရေလို့ ကျွမ်းကျင်ပညာသျှင်တိက ဆိုပါရေ။
ဒေဂု စပ်တမ်ဘာလ ပထမ ၁၀ ရက်ထဲမှာ သွီးလွန်တုပ်ကွေးကြောင့် လူ ၁၃၇ ယောက်သီဆုံးခပြီးကေ သွီးလွန်တုပ်ကွေးဖြစ်တေ လူပေါင်း ၂၄,၅၂၀ ယောက်ဟိခပါရေ။
ကုန်ခရေ ၂၀၂၂ ခုနှစ်မာ သွီးလွန်တုပ်ကွေးကြောင့် လူသီဆုံးမှုဟိကေလေ့ တနှစ်လုံး လူ ၂၈၁ ယောက်ရာ သီးဆုံးခစွာပါ။
သွီးလွန်တုပ်ကွေးရေ ခြင်ကဖြစ်တေ ဗိုင်းရပ်စ် ဖြစ်ပြီး ရာသီဥတု ဖောက်ပြန်မှုကြောင့် ရောဂါ ပိုမိုလျင်မြန်စွာ ပြန့်ပွားနီကြောင်း ကမ္ဘာ့
ကျန်းမာရီးအဖွဲ့(WHO)က သတိပီးထုတ်ပြန်ထားပါရေ။
Source – Bangladesh is struggling to cope with a record dengue outbreak in which 778 people have died
Photo – Dhaka Tribune
