
APM၊ ဩဂတ်စ် ၁၅ / ၂၀၂၃
ရုသျှ-ယူကရိန်းစစ်ပွဲနန့်ပတ်သက်၍ ရုသျှနန့် ဘီလာရုစ်ကို အနောက်နိုင်ငံများက ခွဲထုတ်ရန် ကြိုးပမ်းနီစဉ်တွင် တရုတ် ကာကွယ် ရီးဝန်ကြီး လီချန်းဖူသည် ရုသျှနန့် ဘီလာရုစ်နိုင်ငံများသို့ ၆ရက်ကြာ ခရီးစဉ် လားရောက်နီကြောင်း သိရသည်။
လီချန်းဖူသည် ဩဂတ်စ် ၁၄ ရက်နိက ခရီးစဉ်စတင်ခပြီး မော်စကိုမြို့တွင် ပြုလုပ်နီသည့် နိုင်ငံတကာလုံခြုံရီးဆိုင်ရာ ညီလာ ခံ၌ မိန့်ခွန်းပြောကြားရန်ဟိပြီး ရုသျှနန့် တခြားနိုင်ငံများမှ ကာကွယ်ရီးဂေါင်းဆောင်များနန့် တွိဆုံဆွေးနွေးလားမည် ဖြစ် ကြောင်း တရုတ်ကာကွယ်ရီး ဝန်ကြီးဌာန ပြောခွင့်ရ ဝူချန်းက ပြောကြားသည်။
ယင်းနောက် လီချန်းဖူသည် ဘီလာရုစ်နိုင်ငံသို့ လားရောက်မည်ဖြစ်ကာ ဘီလာရုစ်အစိုးရနန့် စစ်ဖက်ဆိုင်ရာ ဂေါင်းဆောင် များကို တွိဆုံမည်ဖြစ်ပြီး စက်ဖက်ဆိုင်ရာဌာနများသို့လေ့ လားရောက်လည်ပတ်မည်ဖြစ်သည်ဟု ဝူချန်းက ဆိုသည်။
(၁၁)ကြိမ်မြောက် နိုင်ငံတကာလုံခြုံရီးဆိုင်ရာညီလာခံတွင် ရုသျှနိုင်ငံခြားရီးဝန်ကြီးသည် နိုင်ငံပေါင်းစုံ ပေါင်းစည်းမှု ပုံစံသစ် ကို အားကောင်းစီခြင်းအပါအဝင် အနောက်နိုင်ငံများ၏ ယန္တရားများအပြင်ဖက်တွင် ဖှံ့ဖွိုးတိုးတကျရီးနည်းလမ်းများ ရှာဖွီခြင်း ဂေါင်းစဉ်ဖြင့် မိန့်ခွန်းပြောကြားမည်ဖြစ်ကြောင်း ရုသျှ၏ တရားဝင် TASS သတင်းဌာနက ဖော်ပြထားသည်။
ဩဂတ်စ် ၁၄ ရက်နိမှ ၂၀ ရက်နိအထိပြုလုပ်လားမည့် အဆိုပါညီလာခံသို့ တက်ရောက်ရန် နိုင်ငံပေါင်း ၁၀၀ လောက်မှ ကိုယ်စား လှယ်များနန့် နိုင်ငံတကာ အဖွဲ့အစည်း ၈ ခုကို ဖိတ်ကြားထားကြောင်း သိဟိရသည်။
Source – Chinas defence minister visits Russia and Belarus in show of support
Photo – Reuters
