APM ၊ ဂျူလိုင် ၁၅ / ၂၀၂၃
တောင်ကိုရီးယားနိုင်ငံတွင် ဂျူလိုင် ၁၄ ရက်နိက မိုးကြီးမြီပြိုမှုများကြောင့် အနည်းဆုံး လူ ၇ ယောက် သီဆုံးကာ ၂ယောက် ပျောက်ဆုံးနီကြောင်း အာဏာပိုင်များက ဒေနိ (ဂျူလိုင် ၁၅ ရက်) နိတွင်ထုတ်ပြန်သည်။
ဂျူလိုင် ၁၄ ရက်နိက ချောင်းချွန်းခပြည်နယ်တောင်ပိုင်းဟိ ယွန်းဂျုဆီးမြို့တွင် မြီပြိုမှုများကြောင့် လူ ၃ယောက် သီဆုံးခပြီး နန်ဆန်မြို့တွင် ၄ယောက်သီဆုံးခသည််။
အလားတူ ဂျူလိုင် ၁၄ ရက်နိက ဂျောင်းဆန်ပြည်နယ်၊ ဘွန်ဟွာကျေးရွာတွင် မြီပြိုမှုအတွင်း အိမ်ပါလား၍ လူ ၂ယောက် ပျောက်နီသည်။
ယင်းအပြင် မြီပြိုမှုများအတွင်း ပိတ်မိနီသူ ၈ယောက်ထက်မနည်းဟိပြီး သီဆုံးဒဏ်ရာမှုများ ထပ်တိုးလာနိုင်ကြောင်း အာဏာပိုင် များက ပြောကြားသည်။
မိုးပြင်းပြင်းထန်ထန်ရွာသွန်းပြီးနောက် မြီပြိုမှုများကြောင့် မြို့ကြီး ၁၃ မြို့တွင် လျှပ်စစ်မီးပြတ်တောက်နီပြီး အလယ်ပိုင်း ဂိုးဆန် ခရိုင်တွင် ဆည်ရီလျှံမှုကြောင့် လူ ၇ယောကျ ထိခိုက်ဒဏ်ရာရကာ လူပေါင်း ၆၀၀၀ ကျော်ကို ဖီးလွတ်ရာသို့ ရွှိ ပြောင်းခရသည်။
တောင်ကိုးရီးယားဝန်ကြီးချုပ် ဟန်ဒါ့ခ်ဆိုးက မိုးကြီးရီကြီးမှုကြောင့် ဖြစ်ပေါ်လာသည့် သဘာဝဖီးအန္တရာယ်များအတွက် ကြိုတင်ဆောင်ရွက်ရမည့် လုပ်ငန်းများကို ပြုလုပ်ရန်နန့် ပြည်သူများ ဖီးကင်းရီးကို ဦးစားပီး လုပ်ဆောင်လားမည် ဖြစ် ကြောင်း ဂျူလိုင် ၁၄ ရက်က အရေးပေါ်တုံ့ပြန်ရီးအစည်အဝေးပြုလုပ်ရာတွင် ပြောကြားခသည်။
မိုးလီဝသဌာနက နိုင်ငံတဝန်းတွင် ဒေဂုအပတ်အတွင်း မိုးပြင်းပြင်း ထန်ထန် ထပ်မံရွာသွန်းနိုင်ပြီး မိုးရွာမှုနန့်တတူ ရီကြီးခြင်း၊ မြီပြိုခြင်း၊မိုးကြိုးပစ်ခြင်းများ ဆက်လက်ဖြစ်ပေါ်လာနိုင်ကြောင်း သတိပီးချက် ထုတ်ပြန်ထားသည်။
Source – South Korea: Floods, landslides kill seven / DW
Photo – AFP
