APM ၊ ဂျူလိုင် ၁၅ / ၂၀၂၃
ဘဏ္ဍာရီးမျှတသောကဇတ်နည်း (FFP) စည်းမျဉ်းများကို ချိုးဖောက်မှုအတွက် ဘာစီလိုနာနန့် မန်ယူအသင်းရို့ကို ငွေဒဏ်ခတ်ခကြောင်း ဥရောပဘောလုံးအဖွဲ့ချုပ် UEFA က ဂျူလိုင် ၁၄ ရက်နိတွင် ပြောကြားသည်။
၂၀၂၂ ခုနှစ်တွင် လက်ဆုပ်လက်ကိုင် မပြနိုင်သည့် ပိုင်ဆိုင်မှုများကို စွန့်ပစ်ခြင်း၊ အမြတ်အစွန်းငွေများကို မှားယွင်းစွာ အစီရင်ခံခြင်းအတွက် ဘာစီလိုနာကို ယူရို ၅၀၀၀၀၀ (ဒေါ်လာ ၅၆၁၀၀၀) ဒဏ်ခတ်ခသည်ဟု ဆိုသည်။
ယင်းနည်းတူ မန်ယူအသင်းကိုလေ့ “အသေးအဖွဲ ငွေပီးချီမှုလို ငွေပြမှု” အတွက် UEFA က ယူရို ၃၀၀၀၀၀ ဒဏ်ခတ်ခပြီး မန်ယူဖက်ကတော့ အဆိုပါပြစ်ဒဏ်အား လက်ခံကြောင်း ပြောကြားခသည်။
UEFA သည် ၂၀၀၉ ခုနှစ်တွင် အတည်ပြုခသည့် FFP စည်းမျဉ်းများကို စနစ်သစ်တခု ပြန်ပြောင်း၍ ဘောလုံးအသင်း များအား စောင့်ကြည့်စစ်ဆီးခသည်ဟု ဆိုသည်။
FFP စည်းမျဉ်းများသည် ဘောလုံးကလပ်များ၏ ဘဏ္ဍာရီး ရေရှည်တည်တံ့မှုအတွက် ငွေအသုံးပြုမှုကို စနစ်တကျ သတ်မှတ်ထားခြင်းဖြစ်ပြီး သတ်မှတ်မှုထက်ကျော်လွန်ပါက ပြစ်ဒဏ်ချမှတ်ခံရကြောင်း သိရသည်။
Source- Barcelona and Manchester United fined by UEFA/Reuters/AP
Photo-The Times of India
