APM ၊ မာ့ချ် ၁၅ / ၂၀၂၃
လာမည့် ၂၀၂၆ ကမ္ဘာ့ဖလားပြိုင်ပွဲကို စနစ်ဟောင်းဖြစ်သည့် ၄ သင်း ၁ အုပ်စု စနစ်ဖြင့် ကျင်းပလားမည်ဟု ကမ္ဘာ့ဘောလုံးအဖွဲ့ချုပ် ဖီဖာက မာ့ချ် ၁၄ ရက်နိတွင်ပြုလုပ်သည့် အစည်းအဝေး၌ အတည်ပြုလိုက်သည်။
အဆိုပါပြိုင်ပွဲတွင် ၄ သင်း ၁ အုပ်စုစနစ်ဖြင့် အသင်းပေါင်း ၄၈ သင်းပါဝင်မည်ဖြစ်ပြီး ပွဲစဉ်ပေါင်း ၁၀၄ ပွဲအထိ ယှဉ်ပြိုင် ကဇတ်မည်ဖြစ်သည်။
အုပ်စု ၁ ခုစီတွင် ပထမနန့် ဒုတိယရသည့် အသင်း ၂၄ သင်းမှာ နောက်ဆုံး ၁၆ သင်းအဆင့်သို့ တက်ရောက် နိုင်မည်ဖြစ်ပြီး၊ အကောင်းဆုံး တတိယနီရာမှ အသင်း ၈ သင်းမှာ ၃၂ သင်းယှုံးထွက်အဆင့်ပွဲစဉ်၌ ယှဉ်ပြိုင်ရမည်ဟု ဖီဖာက ဆိုသည်။
ကမ္ဘာ့ဖလားပြိုင်ပွဲကို အယင်က ၃၂ သင်းဖြင့် ယှဉ်ပြိုင်ရာမှ ဒေဂု ပထမဆုံးအနီနန့် ၄၈ သင်းဖြင့် ပါဝင်ယှဉ်ပြိုင် ကဇတ်မည်ဖြစ်ပြီး၊ ပြိုင်ပွဲဝင်အသင်းတိုင်းသည် အနည်းဆုံး ၃ ပွဲစီယှဉ်ပြိုင်ရမည်ဖြစ်ကာ ဖိုင်နယ်နန့် တတိယ နီရာလုရမည့် အသင်းများမှာ ၈ ပွဲအထိ အများဆုံး ကဇတ်ရမည်ဖြစ်သည်။
၂၀၂၆ ခုနှစ် ဖီဖာကမ္ဘာ့ဖလားပြိုင်ပွဲကို အမေရိကန်၊ ကနေဒါနန့် မက္ကဆီကို ၃ နိုင်ငံက အိမ်သျှင်အဖြစ် လက်ခံကျင်းပလားမည်ဖြစ်သည်။
Source – FIFA approves 2026 World Cup format with record 104 matches
Photo – EA
