APM ၊ မာ့ချ် ၁၅ / ၂၀၂၃
ရီးရဲမက်ဒရစ်အသင်းသည် ချန်ပီယံလိဂ်ပထမအကျော့ပွဲစဉ်တွင် လီဗာပူးကို အနိုင်ရပြီး ချန်ပီယံလိဂ် နောက်တဆင့် တက်လားခကေလေ့ လီဗာပူးအနီနန့် ဒုတိယအကျော့ပွဲစဉ်မှာ လုံးဝအယှုံးမပီးဟု လီဗာပူးနည်းပြ ယာဂင်ကလော့ပ်က ပြောဆိုလိုက်သည်။
“ရီးရဲမက်ဒရစ်က ကျနော်ရို့ကို ၃ ဂိုးအသာနန့် နောက်တဆင့် တက်လားခဗျာယ်။ ကျနော်ရို့ကလေ့ ပြိုင်ဖက်အသင်းတိနန့် ကဇတ်ဖို့ ဒေနီရာသို့ရောက်လာစွာပါ။ ယေဇု အခွင့်အရေး ၁ ရာခိုင်နှုန်း ဟိကေတောင်မှ ကျနော်ရို့ လုံးဝအယှုံးမပီးဘဲ ကြိုးစားလားပါဖို့” ဟု ကလော့ပ်က ဆိုသည်။
ယင်းအပြင် ၎င်းက “ဒေပွဲက ခက်ခဲဖို့သေချာပါရေ။ကျနော်ရို့အနီနန့် နောက်တဆင့်တက်ဖို့အတွက် အခက်အခဲတော့ဟိပါဖို့။ ယေကေလေ့ ဒေပွဲကိုအနိုင်ရဖို့ အကောင်းဆုံးပြင်ဆင်ထားရေ” ဟု ပြောကြားခသည်။
လီဗာပူးအသင်းသည် ချန်ပီယံလိဂ် ပထမအကျော့ပွဲစဉ်အဖြစ် ရီးရဲမက်ဒရစ်ကို ၂ ဂိုး ၅ ဂိုး နန်ယှုံးနိမ့်ထားပြီး၊ ဒုတိယအကျော့ပွဲစဉ်အဖြစ် မာ့ချ် ၁၆ နိညည့်မှာ ရီးရဲအသင်းနန့် ယှဉ်ပြိုင်ကဇတ်ရမည် ဖြစ်သည်။
Source – Even though Real Madrid has advanced to the next stage of the Champions League, I am not completely lost, Klop said
Photo – Sky sport
