
APM ၊ ဂျန်နဝါရီ ၁၅ / ၂၀၂၅
မောင်တောမြို့နယ်မာ ဒေနိ(ဂျန်နဝါရီ ၁၅ ရက်နိ)၊ မိုးထပိုင်းက အကြမ်းဖက် ဖက်ဆစ် စစ်ကောင်စီတပ်ထောင်ထားခရေ စစ်ကျန်မိုင်းတလုံးကို နင်းမိလို့ ပေါက်ကွဲမှုဖြစ်ပနာ ဒေသခံ တယောက် ခြီတဖက်ပြတ်ထွက်လားရေလို့ ဒေသခံတိက ပြောပါရေ။
ခြီတဖက်ပြတ်ထွက်လားလူစွာ မောင်တောမြို့နယ်၊ သင်္ဘောလှရွာက မနေဇာခိုင်(၂၁ နှစ်)ဖြစ်ပါရေ။
မနေဇာခိုင်စွာ ဒေနိ၊ မိုးထပိုင်းက ရွာပြင်မာ ဟင်းရှာလားရာ အကြမ်းဖက် ဖက်ဆစ် စစ်ကောင်စီ ထောင်ထားခရေ စစ်ကျန်မိုင်း တလုံးကို နင်းမိခရေလို့ ဒေသခံတယောက်က ပြောပါရေ။
ယင်းမိုင်းပေါက်ကွဲမှုကြောင့် မနေဇာခိုင်မာဘယ်ဖက်ခြီထောက် ပြတ်ထွက်လားပြီးကေ ညာဖက်ခြီမာလည်း ဒဏ်ရာ ပြင်းပြင်းထန်ထန်ရလားရေလို့ဆိုပါရေ။
လက်ဟိ မနေဇာခိုင်ကိုတော့ အရေးပေါ်ဆီးကုသမှု ခံယူနီရရေလို့ သိဟိရပါရေ။
ပုံစာ – ၂၀၂၅ ခုနှစ်၊ ဂျန်နဝါရီ ၁၅ ရက်နိ၊ မိုးထပိုင်းအချိန် စစ်ကျန်မိုင်းတလုံးကို နင်းမိရာ ပေါက်ကွဲမှုဖြစ်ပြီး၊ ခြီတဖက်ပြတ်လားသည့် မောင်တောမြို့နယ်၊ သင်္ဘောလှရွာမှ မနေဇာခိုင်အား တွိရစဉ်(Arakan Princess Media)။



