APM၊ ဂျန်နဝါရီ ၁၅ / ၂၀၂၄
ဒေနိ၊ ဂျန်နဝါရီ ၁၅ ရက်နိ၊ မိုးထကစလို့ စစ်တွေမြို့နယ်၊တောကန်ရွာကို မီးတိုက်နီခကတ်တေ စစ်ကောင်စီတပ်ဖွဲ့ဝင်တိစွာ တောကန်ရွာက လီဖြတ်ထားရေ သက်ကြီးရွယ်အို နှစ်ယောက်ကို မသီမချင်း သီနတ်နန့်ပစ်သတ်ပနာ အိမ်နန့်အတူ မီးတိုက်ပစ်ခကြောင်း ဒေသခံတိ က ပြောပါရေ။
အကြမ်းဖက် ဖက်ဆစ်စစ်ကောင်စီ၏ မသီမချင်းသီနတ်နန့်ပစ်သတ်ပနာ မီးလောက်တိုက်သွင်းပစ်ခလို့ သီဆုံးလားခရရေ သက်ကြီးရွယ်အိုနှစ်ယောက်ကတော့ တောကန်ရွာက ဦးဦးကျော်စိန်မောင် (၇၀နှစ်)နန့် ဒေါ် ရွှီသာနု (၇၄နှစ်) ရို့ ဖြစ်ကတ်ပါရေ။
နောက်ထပ်လည်း ထိခိုက်သီဆုံးမှုတိဟိနိုင်သိမ့်ရေလို့ ဒေသခံတိက ဆိုပါရေ။
ဒေနိ၊ဂျန်နဝါရီ ၁၅ ရက်နိ၊ မိုးထ ၉ နာရီလောက်ကစလို့ အကြမ်းဖက်စစ်ကောင် စီတပ်ဖွဲ့ဝင် ၅၀ လောက်စွာ တောကန်ရွာထဲသို့ ဝရုန်းသုန်းကား ဝင်ရောက်လာပနာ ရွာကို မီးတိုက်နီခစွာဖြစ်ပြီးကေ လက်ဟိအချိန်ထိ လူနီအိမ်တိ အများအပြား မီးလောင်ပြာကျလားပြီး ဖြစ်တေလို့ သိရပါရေ။
အသေးစိတ်အချက်အလက်တိကို APM က ဆက်လက် စုံစမ်းနီပါရေ။
