(ဂျန်နဝါရီ ၈ ရက်နိမှ ဂျန်နဝါရီ ၁၄ ရက်နိအထိ)
၁။ ၈-၁-၂၀၂၄ (တလင်းလာ)
(၁) ဂျန်နဝါရီ ၇ ရက်နိ၊ညည့်ခါက ဘူးသီးတောင်မြို့၊ အမှတ် (၅) ရပ်ကွက်က အဘူကာလောင်း(၄၀နှစ်)၊ ညီနိုဟာရှိန်း(၃၅နှစ်)၊ အာလောင်(၄၅နှစ်)ရို့ကို စစ်ကောင်စီက ဥပဒေမဲ့ မတရားဖမ်းဆီးလားပါရေ။
(၂) ရက္ခိုင်ပြည်၊ မြောက်ဦး၊ သင်းကျစ်တော်တောင်ဟိ စစ်ကောင်စီ၏ တပ်စခန်းကို ဂျန်နဝါရီ ၇ ရက်၊ ညဇာ ၄ နာရီ လောက်မာ အပြီးသတ်သိမ်းပိုက်လိုက်ကြောင်း ရက္ခိုင့်တပ်တော် (AA) က ဂျန်နဝါရီ ၈ ရက်နိမာ သတင်းထုတ်ပြန် ပါရေ။
(၃) ဂျန်နဝါရီ ၈ နာရီက ကျောက်ဖြူ၏ ဓညဝတီ ရီတပ်စခန်းကို ရက္ခိုင့်တပ်တော်က ပထမဆုံးအကြိမ် စတင်တိုက် ခိုက်ခပါရေ။
၂။ ၉-၁-၂၀၂၄(အင်္ဂါ)
(၁) ဂျန်နဝါရီ ၉ ရက်နိ၊ မိုးထ ၉ နာရီခွဲလောက်က ပုဏ္ဏားကျွန်းမြို့နယ်မာ တိုက်ပွဲဖြစ်ပွားခြင်းမဟိဘဲ စစ်ကောင်စီတပ်က ရည်ရွယ်ချက်ဟိဟိ ပစ်လိုက်တေ လက်နက်ကြီး ကျရောက်ပေါက်ကွဲလို ဒီပါရုံရွာက ဦးအောင်သာထွန်း (၆၄နှစ်)ဒဏ်ရာ ရလားပါရေ။
(၂) ဂျန်နဝါရီ ၈ ရက်နိ၊ ညဇာ ၈ နာရီကျော်လောက်က ဘူးသီးတောင်မြို့နယ်မာ ARSA အကြမ်းဖက်အုပ်စုက နီအိမ်တဆောင် သို့ဝင်ရောက်ပြီးကေ သီနတ်နန့် ပစ်သတ်ခလို့ တပ်မချောင်းအုပ်စု၊ တပ်မချောင်းအနောက် (မူဆလင်)ရွာ က မာမောက်ဂျူဘိုင် (၁၅နှစ်)၊ အာမီနိုရ်လု(၁၈ နှစ်)၊ အာမီရာကိန်း(၃၀ နှစ်) ရို့ သီဆုံးလားပြီးကေ နိုရ်ဟာကိန်း(၂၃ နှစ်)၊ ဆာလာမာခမ်း(၄၀နှစ်)နန့်အာဘူကာလောင်(၅၂ နှစ်) ရို့ ဒဏ်ရာပြင်းပြင်းထန်ထန် ရလားခပါရေ။
(၄) ဂျန်နဝါရီ ၉ ရက်နိ၊ နိခင်းပိုင်းမာ စစ်ကောင်စီတပ်ဖွဲဝင်တိ သီနတ်နန့် ပစ်သတ်လို့ မြောက်ဦးမြို့၊ အလယ်ဈီးရပ်ကွက် က ဦးစံရွှီကျော်(၅၂ နှစ်)နန့် အလယ်ဈီးရပ်ကွက်၊ ရှောက်တောစုရပ်က ဦးထွန်းထွန်းဦး(၃၅ နှစ်)၊ ကိုစောနိုင်ထွန်း(၂၈ နှစ်)ရို့ ဂွင်ချင်းသီဆုံးလားခကတ်ပါရေ။
(၅) ဂျန်နဝါရီ ၉ ရက်နိ၊ ညဇာပိုင်းက မြောက်ဦးမြို့ကို စစ်ကောင်စီတပ်က လက်နက်ကြီးနန့် ပစ်ခတ်ခလို့ ဆင်ချဆိပ်ရပ်ကွက်က ဦးမဲနောင်ချေ ( ၆၀ နှစ်)သီဆုံးလားပြီးကေ မဘုမေချေ ( ၇ နှစ်) နန့် ရှောက်တောစု ရပ်ကွက်က ဦး မျိုးနိုင် ( ၅၂ နှစ်) ရို့ ဒဏ်ရာ ရလားခပါရေ။
(၆) အပြစ်မဲ့ရက္ခိုင်ပြည်သူလူထုကို သတ်ဖြတ်ထားရေ မြောက်ဦးအခြီစိုက်စစ်ကောင်စီတပ်ခမရ(၅၄၀)တပ်ရင်းကို ပြတ်ပြတ်သားသား လက်စားချီလားဖို့လို့ ရက္ခိုင့်တပ်တော် (AA) က ဂျန်နဝါရီ ၉ ရက်နိမာ ရာဇသံပီးထုတ်ပြန်လိုက်ပါရေ။
(၇) ဂျန်နဝါရီ ၉ ရက်နိ၊မြောက်ဦးမြို့၊သကျမာရ်အောင်ဘုရား အနားမာ ရက္ခိုင့်တပ်တော် (AA) နန့် မြောက်ဦးအခြီစိုက် စစ်ကောင်စီတပ် ခမရ (၅၄၀) တပ်ရင်းကစစ်ကြောင်းရို့ တိုက်ပွဲဖြစ်ပွားခပြီးကေ တိုက်ပွဲအတွင်း စစ်ကောင်စီတပ်ဖက်က ၁၅ ယောက်ထက်မနည်း ကျဆုံးခကြောင်း ရက္ခိုင့်တပ်တော် AA က သတင်းထုတ်ပြန်ပါရေ။
၃။ ၁၀-၁-၂၀၂၄ (ဗုဒ္ဓဟူး)
(၁) ဂျန်နဝါရီ ၁၀ ရက်နိ၊ မိုးထစောစော ၄ နာရီခွဲလောက်ကစပနာ ကျောက်တော်မြို့နယ်၊အပေါက်ဝရွာကို စစ်ကောင်စီတပ် က လက်နက်ကြီးနန့် ပစ်ခတ်ခလို့ ပေါ်တော်မူရပ်ကွက်က ဦးအဒက်ချေ(၃၅ နှစ်)နန့် ဦးအထွန်းချေ(၆၅ နှစ်)ရို့ သီဆုံးလားခပါရေ။
(၂) ဂျန်နဝါရီ ၁၀ ရက်နိ၊ မိုးထပိုင်းက စစ်ကောင်စီတပ် လက်နက်ကြီးနန့်ပစ်လို့ မင်းပြားမြို့၊ ပြည်တော်လှရပ်ကွက်က ဦးမောင်ကျော်ထွန်း(၅၈ နှစ်) ဒဏ်ရာရလားခပါရေ။
(၃) ၂၀၂၄ ခုနှစ်၊ ဂျန်နဝါရီ ၁၀ ရက်နိ၊ မိုးထ ၁၁ နာရီ ၂၁ မိနစ်မာ မြောက်ဦး အခြီစိုက် စစ်ကောင်စီတပ် ခမရ(၅၄၀) တပ်ရင်းက ပစ်လိုက်တေ လက်နက်ကြီးကျည်တိအနက် ကျည် ၆ လုံးစွာ မြောက်ဦးမြို့ ရှေးဟောင်းယဉ်ကျေးမှုနယ်မြီ၊ နန်းတော်ရာကုန်းထက်မာ ကျရောက် ပေါက်ကွဲခပါရေ။
(၄) ဂျန်နဝါရီ ၁၀ ရက်နိ၊နိခင်းက စစ်ကောင်စီတပ်လက်နက်ကြီးနန့် ပစ်ခတ်တိုက်ခိုက်ခလို့ မင်းပြားမြို့နယ်၊ ဖားပြို(ရက္ခိုင်)ရွာက ဦးမောင်ကျော်မြ (၅၇ နှစ်)သီဆုံးလားခပြီးကေ၊ မင်းပြားမြို့၊မြို့မတောင်ကျောင်းက ဆရာတော် အသျှင်ကဝိသာရ (သက်တော် ၆၀ နှစ်)၊ သေကန်ရွာက ဒေါ် ဦးဝေမ(၄၄ နှစ်)၊ သေကန်ရွာမာ စစ်ဖီးယှောင်နီ ရေ ပြည်တော်လှရပ်ကွက်က ကိုမျိုးသန့်(၂၀ နှစ်)နန့် ဦးမောင်မြင့်(၄၂ နှစ်)နန့် ဖားပြိုရွာ စစ်ဖီးယှောင်နီရေ မြေပုံမြို့၊ ကန်သာထွက်ဝက မမျိုးသန်းနွယ်(၂၈ နှစ်)ရို့ ထိခိုက်ဒဏ်ရာရလားခပါရေ။
(၅) ၂၀၂၄ ခုနှစ်၊ ဂျန်နဝါရီ ၁၀ ရက်နိ၊ ညဇာ ၄ နာရီအချိန်မာ မြောက်ဦးအခြီစိုက် စစ်ကောင်စီတပ်၊ခမရ(၃၇၇) တပ်ရင်းက ပစ်ခတ်လိုက်တေ လက်နက်ကြီးကျည် ကျရောက်ပေါက်ကွဲလို့ မြောက်ဦးမြို့၊ ဝါဈီးရပ်ကွက်၊ ဝါဈီးတန်းထားအနားက လူနီအိမ် (၂)ဆောင်မီးလောင်ပြာကျလားပါရေ။
(၆) ဂျန်နဝါရီ ၁၀ ရက်နိ၊ နိခင်းက စစ်ကောင်စီတပ်ထောင်ထားရေမိုင်းကိုနင်းမိလို့ ဘူးသီးတောင်မြို့နယ်၊ ဖုံညိုလိပ်ရွာက နုရ်အာမိန်(၂၅ နှစ်) ခြီထောက်တဖက်ပြတ်ထွက်လားပါရေ။
၄။ ၁၁-၁-၂၀၂၄ (ကြာသပတီး)
(၁) ဂျန်နဝါရီ ၁၁ ရက်နိ၊ မိုးထ ၈ နာရီခွဲလောက်ကစပနာ စစ်ကောင်စီတပ် နေဗီနှစ်စီးက တပ်ဖွဲဝင်အင်အား ၃၀ လောက်စွာ လက်နက်ချေတိယမ်းကားပစ်ခတ်ပနာ တောင်းဖူးရွာကို ဝင်ရောက်လာပြီးကေ အိမ်တိကို ဓာတ်ဆီလောင်း၊ မီးတိုက်ခပါရေ။
(၂) ဂျန်နဝါရီ ၁၁ ရက်နိ၊ မိုးထပိုင်းမာ စစ်ကောင်စီတပ်၏ လက်နက်ကြီးပစ်ခတ်မှု၊ ဒရုန်းအသုံးပြု ဒရော့ဗုံးကြဲချမှုတိ ကြောင့် ပေါက်တောမြို့နယ်၊ သဝင်ချောင်းရွာက ဦးစံရွှီမြ(၆၃နှစ်)နန့် ဦးမောင်စံနု(၆၂နှစ်) ရို့ ဒဏ်ရာရလားခပါရေ။
(၃) ဂျန်နဝါရီ ၁၁ ရက်နိ၊ နိခင်းမာ စစ်ကောင်စီနေဗီက ပစ်ခတ်လိုက်တေလက်နက်ကြီးကျည်ကျရောက်ပေါက်ကွဲလို့ မင်းပြားမြို့ပေါ်က နီအိမ်တချို့ မီးလောင်ခပါရေ။
(၄) ဂျန်နဝါရီ ၁၁ ရက်နိက စစ်တွေမြို့နယ်၊ကံပြင်ကျေးရွာသားတိကို စစ်ကောင်စီတပ်က အစုံလိုက်အပုံလိုက် ဖမ်းဆီး ခပါရေ။
၅။ ၁၂-၁-၂၀၂၄ (သောကြာ)
(၁) မောင်တောမြို့နယ်မာ ဂျန်နဝါရီ ၁၁ ရက်နိ၊ ညဇာက စစ်ကောင်စီပစ်ခတ်လိုက်တေ လက်နက်ကြီး ကျရောက်ပေါက် ကွဲလို့ ဗောဓိကုန်းရွာက ဇူလိုင်မောင်(၂၄နှစ်) ထိခိုက်ဒဏ်ရာရလားခပါရေ။
(၂) ဂျန်နဝါရီ ၁၁ ရက်နိ၊ ညဇာပိုင်းမာ စစ်ကောင်စီတပ်ဖွဲဝင်တိက အိမ်ထဲဝင်ပနာ လူမဆန်စွာ သီနတ်နန့် ပစ်သတ်လို့ မင်းပြားမြို့၊ မင်းဘာကြီးရပ်ကွက်က ကိုဂေါင်းလှ(၂၃ နှစ်)၊ ဒေါ်မနန်းဘုံ (၅၀ နှစ်)၊ ဒေါ်မဲယဉ်(၄၂ နှစ်) နန့် ဦးသိန်းချေ မောင်(၄၅ နှစ်) ရို့ သီဆုံးလားခပါရေ။
(၃) ဂျန်နဝါရီ ၁၂ ရက်နိ၊ နိခင်းမာ စစ်ကောင်စီနေဗီက လက်နက်ကြီးနန့် ပစ်လို့ မင်းပြားမြို့နယ်၊ ကြောင်ရှည်ချောင်းရွာက ဦးထွန်းအေးလှိုင်(၃၇ နှစ်) သီဆုံးလားခပါရေ။
(၄) မောင်တောမြို့နယ်မာ ဂျန်နဝါရီ ၁၂ ရက်နိ၊ နိခင်း ၂ နာရီလောက်က စစ်ကောင်စီတပ် လက်နက်ကြီးပစ်ခတ်လို့ သက်ကညှာရွာမာ စစ်ဖီးယှောင်နီကတ်တေ ရီနောက်ငါးသားရွာက မခင်ခင်အေး (၂၅နှစ်) သီဆုံးလားပြီးကေ မောင်ဇော်မျိုးဦး (၁၁ နှစ်)၊ မသန်းအေး (၃၃နှစ်)နန့် ဒေါ် ခင်မစိန်(၆၀နှစ်)ရို့ ဒဏ်ရာရလားခပါရေ။
(၅) ဂျန်နဝါရီ ၁၂ ရက်နိ၊ နိခင်း ၁ နာရီလောက်မာ ကျောက်တော်အခြီစိုက် စစ်ကောင်စီတပ် ခမရ(၃၇၆) တပ်ရင်းအနားက ဖြတ်လားချိန် မိုင်းနင်းမိလို့ ပေါက်ကွဲမှုဖြစ်ပြီးကေ ကျောက်တော်မြို့နယ်၊ အလယ်ကျွန်းအုပ်စု၊ ဈီးဝ(မူဆလင်)ရွာက အာမီတူဆောင်း(၂၈ နှစ်) ခြီတဖက်ပြတ်ထွက်လာခပါရေ။
(၆) မင်းပြားမာ ဂျန်နဝါရီ ၁၂ ရက်နိ၊ ညဇာက စစ်ကောင်စီတပ်က လက်နက်ကြီးနန့်ပစ်လို့ ပိုက်သည် (မူဆလင်) ရွာက ဦးလှမောင်သိန်း (၄၅ နှစ်)နန့် ဒေါ်လှလှမေ (ခ) ဖော်ကုနီ (၃၅ နှစ်)ရို့ သီဆုံးလားပြီးကေ အာလီဇူဖော့ကာ (၁၃ နှစ်) နန့် ရှာဖူ(၆ နှစ်) ရို့ ဒဏ်ရာပြင်းပြင်းထန်ထန်ရလားခပါရေ။
(၇) ဂျန်နဝါရီ ၁၂ ရက်နိ၊ ညဇာဖက်က ရသေ့တောင်မြိုနယ်မာ စစ်ကောင်စီ ၏ ရီစိုးချောင်းဗျူဟာက အပါးဟပ်စပ်ရပ် ရွာ တိကို လက်နက်ကြီးနန့် အဆက်မပြတ် ပစ်ခတ်ခလို့ ပြိန်းတောရွာက အရွယ်မရောက်သိမ့်ရေ မအေးအေး (၁၅ နှစ်) နန့် ယင်းရွာသို့ အလည်ရောက်နီရေ ပေါက်တောမြိုနယ်၊ ဖဒူကြီးရွာက ကိုမျိုးနိုင်လင်း (၂၇ နှစ်)ရို ဒဏ်ရာရလားပြီးကေ အိမ်တဆောင်လည်း မီးလောင်လားခပါရေ။
၆။ ၁၃-၁- ၂၀၂၄ (စနီ)
(၁) ဂျန်နဝါရီ ၁၂ ရက်နိ၊ညဇာမာမင်းပြားအခြီစိုက်စစ်ကောင် စီတပ်ရင်းက ပစ်ခတ်လိုက်တေလက်နက်ကြီးကျည်ကျလို့ မြောက်ဦးမြို့၊ ထမ္မရာဇ်ရပ်ကွက်က ဦးသိန်းထွန်းစိန် (၇၆ နှစ်)သီဆုံးလားပြီးကေ၊ ဦးကျော်သန်းချေ (၅၅ နှစ်)၊ ဦးင/တူ (၅၂နှစ်)နန့် ဒေါ်မရွှီအေး (၄၈နှစ်)ရို့ ထိခိုက်ဒဏ်ရာရဟိလားပါရေ။
(၂) ဂျန်နဝါရီ ၁၂ ရက်နိ၊ ညည့်ပိုင်းက စစ်ကောင်စီတပ်၏ လီကြောင်း အသုံးပြု ဗုံးကြဲတိုက်ခိုက်မှုကြောင့် ကျောက်တော် မြို့နယ်၊ လက်ပံရွာက ဒေါ်စံဂိုးမ(၆၀ နှစ်)သီဆုံးလားပြီးကေ မောင်ဝင်းခိုင်(၅ နှစ်)နန့်ဦးမောင်သောင်းစိန် (၆၂ နှစ်)ရို့ ပြင်းပြင်း ထန်ထန် ဒဏ်ရာရလားခပါရေ။
(၃) ဂျန်နဝါရီ ၁၃ ရက်နိ ညဇာ ၆ နာရီ ၁၀ မိနစ်က မင်းပြားမြို့အခြီစိုက် စစ်ကောင်စီ၏ ခမရ (၅၄၁) တပ်ရင်းကနီ မြောက်ဦးမြို့ကို ရည်ရွယ်ချက်ဟိဟိ လက်နက်ကြီးနန့် ပစ်ခတ်တိုက်ခိုက်ခလို့ မြောက်ဦးမြို၊ဘုရားပေါ်ရပ် ကွက်က ကိုမောင်သောင်းချေ (၂၅နှစ်)ထိခိုက်ဒဏ်ရာရလားခ ပါရေ။
(၄) ဂျန်နဝါရီ ၁၃ ရက်နိ၊ ညည့်ခါ မင်းပြားမြို့ကို စစ်ကောင်စီတပ်က Y – 12 လီယာဥ်နန့် ဗုံးကြဲတိုက်ခိုက်လို့ အောက်ရွာပိုင်းရပ်ကွက်က ကိုဇော်မင်း (ပုဇွန်ဒိုင်)၊ဝင်းဝင်း(လက္ဖရည်ဆိုင်)၊တရုတ်ဂဏန်းဒိုင်နန့် ဦးရွှလှမောင်၊ ဥိီးလှဖွူ၊ဦးအေးသနျးမောငျ၊ ဦးထွန်းစိန်အောင်၊ ဦးမောင်လှဝေ ၊ ဦးမောင်သန်းအမိ၊ ဒေါ်မစိန်နု၊ ကိုချက်ကြီးရို့၏ နီအိမ် ၁၁ ဆောင် မီးလောင်ပြာကျလားခပါရေ။
၇။ ၁၄-၁-၂၀၂၄ (တလင်းဂနီ)
(၁) ပလက်ဝဒေသ၊ စစ်ကောင်စီ၏”မီးဝဗျူဟာကုန်း”နန့် “ခန် ခတောင်ဗျူဟာစခန်း”ကို ဂျန်နဝါရီ ၁၃ ရက်နိမာ ရက္ခိုင့် တပ်တော် (AA) က အပြီးသတ် သိမ်းပိုက်လိုက်ပြီးဖြစ်ကြောင်း ညီနောင်မဟာမိတ်(၃)ဖွဲ့ သတင်းထုတ်ပြန်ပါရေ။
(၂) ရက္ခိုင်ပြည်မာ ဂျန်နဝါရီ ၁၃ ရက်နိ၊နိခင်းပိုင်းက ကျောက်တော်မြို့နယ်၊ကန်စောက်ရွာကို စစ်ကောင်စီတပ်က လက်နက်ကြီးတိနန့်ပစ်လို့ ရွာလုံးကျွတ်နီးပါး မီးလောင်ပျက်စီးလားခရေလို့ ညီနောင်မဟာမိတ်(၃)ဖွဲက ဂျန်နဝါရီ ၁၃ ရက်နိ သတင်းထုတ်ပြန်ချက်မာ ဖော်ပြထားပါရေ။
(၃) ဂျန်နဝါရီ ၁၄ ရက်နိ၊ နိခင်း ၁၂ နာရီလောက်က ပင် စစ်ကောင်စီတပ်စွာ ဂျက်တိုက်လီယာဉ်အပြင်၊ Mi – 35 ရဟတ်ယာဉ်နန့် ဗုံးကြဲတိုက်ခိုက်လို့ မင်းပြားမြို့၊ ဦးစိုးတင့် ရပ်ကွက်ဟိ နီအိမ်တချို့ မီးလောင်နီပါရေ။
(၄) မင်းပြားမြို့နယ်မာ ဂျန်နဝါရီ ၁၄ ရက်နိ၊ နိခင်းက စစ်ကောင်စီ နေဗီက လက်နက်ကြီးနန့်ပစ်လို့ မင်းပြားမြိုနယ်၊ ကျားရဲပြင်ရွာက မောင်နေမျိုးဇော် (၁၅ နှစ်)၊ မောင်ထွန်းဝင်း (၁၇ နှစ်) ၊ ဦးမောင်ညိုအောင် (၆၅ နှစ်)နန့် နာမည် မသိရ သိမ့်ရေ လူငယ် ၁ ယောက်ရို့ ပြင်းထန်ဒဏ်ရာရလားပြီးကေ လူနီအိမ် ၂ ဆောင် မီးလောင်ပျက်စီးလားခပါရေ။
(၅) မြောက်ဦးမြို့မာ ဂျန်နဝါရီ ၁၄ ရက်နိ၊ နိခင်း ၁ နာရီကျော်လောက်က စစ်ကောင်စီပစ်လိုက်တေ လက်နက်ကြီး ကျည်ကျလို မြောက်ဦးမြို့၊ လက်ကောက်ဈီးရပ်ကွက်က ပညာနန်းရိပ် ကိုယ်ပိုင်အထက်တန်းကျောင်း မီးလောင် လားပါ ရေ။
(၆) ပလက်ဝဒေသတခုလုံးကို အောင်မြင်စွာ အလုံးစုံ သိမ်းပိုက် ထိန်းချုပ်ထားပြီးဖြစ်ကြောင်း ရက္ခိုင့်တပ်တော် (AA) က ဂျန်နဝါရီ ၁၄ ရင်နိမာ ထုတ်ပြန်ပါရေ။
