APM၊ဒီဇင်ဘာ ၁၄/၂၀၂၂
ခရိုအေးသျှားအသင်းကို ၃ ဂိုး- ဂိုးမဟိဖြင့် ဂိုးပြတ်အနိုင်ရခသည့် ကမ္ဘာ့ဖလား ဆီမီးဖိုင်နယ်ပွဲစဉ် အပြီးမှာ အာဂျင်တီးနား အသင်းဂေါင်းဆောင် လီယွန်နယ် မက်ဆီ က အသင်းဖော်များအား ချီးမွှမ်းဂုဏ်ပြုစကား ပြောကြားလိုက်သည်။
” ခရိုအေးသျှားကို အနိုင်ရခြင်းမှာ အသင်းဖော်ရို့၏ အသိဉာဏ်ထက် မြက်မှုကြောင့်ဖြစ်ပြီး၊ လက်ဟိအင်အားနန့်ရာဆိုကေ ကမ္ဘာ့ဖလားကိုရဖို့ သူ ယုံကြည်ကြောင်း” မက်ဆီက ပြောဆိုသည်။
“ဒေပွဲမှာ အသင်းသားတိ၏ သန်မာမှု၊ခွန်အားနန့်စိတ်ဓါတ်တိကို အ ကောင်းဆုံး ပြသခပါရေ” ဟုမက်ဆီက ချီးမွှမ်းပြောဆိုသည်။
ဒေဂု ပွဲစဉ်မှာ မက်ဆီက ၁ ဂိုးသွင်း၊ ၁ ဂိုးဖန်တီးပီးခပြီး ကမ္ဘာ့ဖလား (၄) ကြိမ်မြောက် Man Of the Match ဆုကို ရဟိခသည်။
အာဂျင်တီးနားအသင်းသည် ကမ္ဘာ့ဖလားနောက်ဆုံး ဗိုလ်လုပွဲစဉ်ကို
ဒေနိ ညည့်ကဇာတ်ဖို့ဟိနီသည့် “ပြင်သစ်နန့် မော်ရိုကို” ပွဲစဉ်မှ အနိုင်ရအသင်းနန့် ယှဉ်ပြိုင်ကဇတ်ရဖို့ဖြစ်ကြောင်း သိရသည်။
Photo- CNN
