APM ၊ စပ်တမ်ဘာ ၁၄ / ၂၀၂၃
မင်းပြားမြို့နယ်၊ ဝါးတောင်စစ်ဖီးယှောင်စခန်းက စစ်ဖီးယှောင်တိ လက်ဟိမာ ဆန်အပါအဝင် စားနပ်ရိက္ခာအခက်အခဲတိနန့် ရင်ဆိုင်နီရကြောင်း သိရပါရေ။
အိမ်ထောင်စု ၁၅ စုနန့် လူဦးရေ ၇၃ ယောက် ခိုလှုံလို့ဟိရေ ယင်းဝါးတောင်စစ်ဖီးယှောင်စခန်းမာ အဂုအခါ ဆန်အပါအဝင် စားနပ်ရိက္ခာ အခက်အခဲတိနန့် ရင်ဆိုင်နီရစွာပါ။
ယင်းစခန်းမာ ဆန့ရိက္ခာတိအပြင် တခြားအရေးပေါ်အကူအညီတိမရဟိစွာမာ ၅ လကျော်ကြာမြင့်နီယာဖြစ်လို့ လက်ဟိ စစ်ဖီးယှောင်တိမှာ
ကြုံရာကျဘမ်းအလုပ်တိ လုပ်ပနာစားဝတ်နီရီးအတွက် လုပ်ကိုင်စားသောက်နီရကြောင်း စစ်ဖီးယှောင်တိက ပြောပါရေ။
ယင်းအပြင် အလုပ်အကိုင်ယှားပါးစွာ၊ ကုန်စျီးနှုန်းတိ အဆမတန်မြင့်တက်နီစွာတိကြောင့် စစ်ဖီးယှောင်တိမာ တရက်ဝင်ငွေနန့် စားစရိတ် မလုံလောက်ဖြစ်နီလို့ အခက်အခဲ ပေါင်းစုံနန့်ရင်ဆိုင်နီရကြောင်း သိရပါရေ။
Please follow and like us:
