APM ၊ စပ်တမ်ဘာ ၁၄ / ၂၀၂၃
ပီရူးနိုင်ငံ၊ အာရီခေးပါမြို့မာ မီနီဗန်ကားနန့် ထရပ်ကားတိုက်မိလို့ လူ ၁၀ ယောက် သီဆုံးခပနာ ၉ ယောက် ထိခိုက်ဒဏ်ရာရဟိခရေလို့ ဒေသတွင်း မီဒီယာက စပ်တမ်ဘာ ၁၃ ရက်နိမာ ဖော်ပြပါရေ။
ယာဉ်တိုက်မှုရေ စပ်တမ်ဘာ ၁၂ရက်နိညည့် ၁၀ နာရီလောက်က ဥမင်လှိုဏ်ခေါင်းအဝင်ဝတခုမာ ဖြစ်ခစွာဖြစ်ပြီးကေ ယာဉ်တိုက်မှုအတွင်း သီဆုံးလားရေလူ ၁၀ ယောက်ထဲမာ အချေ ၂ယောက် ပါဝင်ရေလို့ ဆိုပါရေ။
ကုန်ခရေ ဩဂတ်စ်လကလေ့ ပီရူးမာ ဘတ်စ်ကားတစီး မီတာ ၁၅၀ အနက်က ချောက်ထဲသို့ ထိုးကျလားလို့ အနည်းဆုံး လူ ၁၀ ယောက်သီဆုံးပနာ ၆ ယောက် ထိခိုက်ဒဏ်ရာရဟိခပါရေ။
ပီးရူးနိုင်ငံမာ ယာဉ်မတော်တဆမှုကြောင့် လူသီဆုံးမှုတိ မကြာမကြာဖြစ်လိဟိပြီးကေ ကုန်ခရေ ၂၀၁၂ ခုနှစ်တခုတည်း ယာဉ်မတော် တဆမှုတိကြောင့် လူပေါင်း ၄၀၀၀ ကျော် သီဆုံးခကြောင်း သိဟိရပါရေ။
Source – 10 dead in road accident in southern Peru
Photo – NDTV
Please follow and like us:
