APM၊ စပ်တမ်ဘာ ၁၄ / ၂၀၂၃
ပိုလန်လက်ရွီးစင်အသင်းနည်းပြ ဖာနန်ဒိုဆန်းတို့စ်ကို ရာထူးမှထုတ်ပယ်လိုက်တေလို့ အသင်းဖက်က စပ်တမ်ဘာ ၁၃ ရက်နိမာ တရားဝင်အတည်ပြုကြေညာပါရေ။
အသက် ၆၈ နှစ်အရွယ် နည်းပြဆန်းတို့စ်စွာ ဒေဂု ၂၀၂၃ ခုနှစ် ဂျန်နဝါရီလက ပေါ်တူဂီအသင်းနန့်လမ်းခွဲပြီးကေ ပိုလန်အသင်း နည်းပြအဖြစ် ၉ လကျော်ကြာကိုင်တွယ်ခစွာမာ အသင်းစွမ်းဆောင်ရည်ပိုင်းကျဆင်းခလို့ နည်းပြရာထူးက ထုတ်ပယ်ခံလိုက်ရစွာ ဖြစ်ပါရေ။
ကျနော်ရို့နိုင်ငံအသင်းနန့် လက်တွဲပနာလုပ်ဆောင်ပီးခရေ နည်းပြဆန်းတို့စ်ကို ကျေးဇူးတင်ပါရေ။ နည်းပြအနီနန့် အနာဂတ်မာ အောင်မြင်မှုတိရပနာ ကံကောင်းပါစီလို့ ဆုတောင်းလိုက်ပါရေ လို့ ပိုလန်ဘောလုံးအဖွဲ့ချုပ်က ဆိုပါရေ။
ပိုလန်အသင်းစွာ ဒေဂု ယူရို-၂၀၂၄ ခြီစစ်ပွဲ ၅ ပွဲကဇတ်စွာမာ ၂ ပွဲနိုင် ၃ ပွဲယှုံးပနာ ရမှတ် ၆ မှတ်နန့် ယူရိုခြီစစ်ပွဲအုပ်စု အီး စတုတ္ထနီရာသို့ ကျဆင်းလားပါရေ။
Source Fernando Santos fired as Poland coach after bad start to Euro 2024 qualifying
Photo PZPN
