
APM ၊စပ်တမ်ဘာ ၁၄/၂၀၂၃
မြောက်ဦး၊ဒိုင်းကျီစစ်ဖီးယှောင်စခန်းမာ လက်ဟိ စားဝတ်နီရီး အခက်အခဲတိနန့် ရင်ဆိုင်နီရရေလို့ သိရပါရေ။
ယင်းစစ်ဖီးယှောင်စခန်းက စစ်ဖီးယှောင်တိစွာ မြောက်ဦးမြို့ထဲမာ ကြုံရာကျဘမ်း အလုပ်တိကိုဝင်လုပ်ပနာ အသက်မွီးဝမ်း ကျောင်းပြုနီရရေလူတိဖြစ်ပြီးကေ လက်ဟိအလုပ်အကိုင်ယှားပါးလို့ အခက်ကြုံနီကတ်ရရေလို့ စစ်ဖီးယှောင်တိကပြောပါရေ။
အေကြားထဲ ကုန်ဈီးနှုန်း အဆမတန် တက်နီစွာနန့် အကူအညီလှုဒါန်းမှု နည်းပါးစွာကြောင့် စားနက်ရိက္ခာ ပြတ်လပ်လာရေအတွက် စစ်ဖီးယှောင်တိ ပိုလို့အခက်ကြုံလာကတ်ရရေလို့ ဆိုပါရေ။
ဒိုင်းကျီ စစ်ဖီးယှောင်စခန်းမာ အိမ် ထောင်စု ၅၆ စုနန့် လူဦးရေ ၂၀၈ ယောက် ခိုလှုံနီထိုင်လျက်ဟိပါရေ။

Please follow and like us: