APM ၊ စပ်တမ်ဘာ ၁၄ / ၂၀၂၃
လက်ဘနွန်နိုင်ငံဟိ အကြီးဆုံး ပါလက်စတိုင်းဒုက္ခသည်စခန်းမာ စပ်တမ်ဘာ ၁၃ ရက်နိက တိုက်ပွဲဖြစ်ခလို့ လူ ၁၆ ယောက်သီဆုံးပနာ ၁၀၀ လောက် ဒဏ်ရာရလားကြောင်း အမျိုးသားသတင်းအေဂျင်စီ (NNA) က ဖော်ပြပါရေ။
တိုက်ပွဲစွာ ဆီဒန်မြို့အနားဟိ Ain Al-Helweh ဒုက္ခသည်စခန်းမာဖြစ်ခစွာဖြစ်ပြီးကေ စခန်းထဲမာဟိနီရေ ပါလက်စတိုင်း လက်နက်ကိုင်အဖွဲ့ (Fatah) နန့် အစ္စလာမ္မစ်လက်နက်ကိုင်အဖွဲ့ရို့အကြား ဖြစ်ပွားခစွာဖြစ်ပါရေ။
တိုက်ပွဲတိအတွင်း စက်သီနတ်၊ ရော့ကတ်တိနန့် မီးလောင်ဗုံးတိကိုပါ အသုံးပြုတိုက်ခိုက်ခကတ်သည့်အတွက် သီဆုံးဒဏ်ရာရလူ များပြားခပြီး ဒုက္ခသည်အများအပြား ဖီးလွှတ်ရာသို့ ထပ်လို့ထွက်ဗြီးခရရေလို့ ဆိုပါရေ။
အဆိုပါ ဒုက္ခသည်စခန်းမာ ကုန်ခရေ စပ်တမ်ဘာ ၇ ရက်နိကလည်း ပြိုင်ဖက်လက်နက်ကိုင်အဖွဲ့တိအကြား တိုက်ပွဲဖြစ်လို့ လူ ၂၀ လောက်သီဆုံးပနာ လူ ၁၄၀ လောက် ထိခိုက်ဒဏ်ရာရလားခပါသိမ့်ရေ။
ကုလသမဂ္ဂကယ်ဆယ်ရီးနန့် လုပ်ငန်းတိဆောင်ရွက်ရီးအေဂျင်စီ (UNRWA) က ပါလက်စတိုင်း ဒုက္ခသည်စခန်းအတွင်း တိုက်ပွဲတိကြောင့် ဒုက္ခသည်မိသားစု ရာနန့်ချီ အိုးမဲ့အိမ်မဲ့ဖြစ်ခကြောင်း ပြောဆိုထားပါရေ။
Source – Lebanon: 16 killed since last week’s clashes in Ein el-Hilweh camp; civilians forced to flee to safer areas
Photo – AP
