APM ၊ စပ်တမ်ဘာ ၁၄ / ၂၀၂၃
အစ္စရေး-ဂါဇာနယ်စပ်မာ စပ်တမ်ဘာ ၁၃ ရက်နိက ဗုံးပေါက်ကွဲမှုတခုကြောင့် ပါလက်စတိုင်း ၆ ယောက်ထက်မနည်း သီဆုံးပနာ ၂၅ယောက် ထိခိုက်ဒဏ်ရာရဟိခရေလို့ ဂါဇာဟိ ဟားမတ်စ်အဖွဲ့၏ ကျန်းမာရီးဝန်ကြီးဌာနက ဆိုပါရေ။
ဂါဇာမြို့အရှိဖက်ဟိ မာလ်ကာ ဧရိယာမာ အစ္စရေးက နှုတ်ထွက်ခြင်း (၁၈ ) နှစ်မြောက် နှစ်ပတ်လည်နိအဖြစ် စပ်တမ်ဘာ ၁၃ ရက်နိက လူထုစည်းဝေးပွဲတိ ကျင်းပပြုလုပ်ခစွာက အဓိကရုဏ်းတိဖြစ်ပနာ ဗုံးပေါက်ကွဲလို့ လူသီဆုံးဒဏ်ရာရမှုတိ ဖြစ်ခစွာပါ။
ပေါက်ကွဲမှုမဖြစ်ခင် ပါလက်စတိုင်းဆန္ဒပြသမားတိနန့် အစ္စရေးစစ်သားတိစွာ နယ်စပ်ခြံစည်းရိုးတလျောက် ခိုက်ရန် ဖြစ်ခကတ်ပြီးကေ အစ္စရေးစစ်သားတိက ကျည်ဆန်နန့် မျက်ရည်ယိုဗုံးတိသုံးပနာ ဖောက်ခွဲခရေလို့ ပါလက်စတိုင်းဖက်က ပြော ပါရေ။
အစ္စရေးစစ်တပ်ဖက်ကတော့ လုံခြုံရီးအတားအဆီးလုပ်ထားရေနီရာကို ရာနန့်ချီရေ ပါလက်စတိုင်းတိက ဖောက်ခွဲရီးပစ္စည်းတိ၊ လက်ဗစ်ဗုံးတိနန့် ပစ်ပေါက်တေ ခရေအတွက် ဖြိုခွင်းခရစွာလို့ တုံ့ပြန် ထားပါရေ။
ယေကေလေ့ အစ္စရေးစစ်တပ်က ပေါက်ကွဲမှုဖြစ်ဖို့ ပစ်ခတ်မှုကြောင့် လူသီဆုံးမှုဖြစ်တေဆိုရေ စွပ်စွဲချက်ကို ငြင်းဆိုထားပြီးကေ အဓိကရုဏ်းမာ ပါရေလူတိက ဖောက်ခွဲရီးလုပ်ဖို့ ကြိုးပမ်းရာမာ သူ့ဘာသာ ပေါက်ကွဲခစွာလို့ ဆိုပါရေ။
Source – 6 killed in Gaza border blast during rioting, apparently while planting bomb
Photo – EFE/EPA
