
APM၊ စပ်တမ်ဘာ ၁၄ / ၂၀၂၃
PSG အသင်းက အီတလီလက်ရွီးစင်ကွင်းလယ်ကဇတ်သမား မာကိုဗာရက်တီစွာ ကာတာကလပ် အယ်လ်အာရက်ဘီ အသင်းနန့် စာချုပ်ချုပ်ပနာ အပြီးသတ်ပြောင်းရွှိလားဗျာယ်လို့ ကလပ်အသင်းဖက်က စပ်တမ်ဘာ ၁၃ ရက်နိမာ တရားဝင် အတည်ပြု ကြေညာပါရေ။
အယ်လ်အာရက်ဘီအသင်းဖက်က ကဇတ်သမားကို ပြောင်းရွှိကြေး ယူရို ၄၅ သန်းနန့် ၂၀၂၆ ခုနှစ်အထိ ၃ နှစ်စာချုပ်ချုပ်ဆိုခပါရေ။
ဆယ်စုနှစ်တခုကြာကာလအထိ PSG အသင်းနန့်တတူ ကဇတ်ခွင့်ရခလို့ဝမ်းသာပါရေ။ အသင်းမာ ကဇတ်သမားကောင်းတိ နန့် တတူ ဆုဖလားတိအများကြီးဆွတ်ခူးနိုင်ခပါရေ။ PSG အသင်း နန့် အသင်းပရိတ်သတ်တိကို ကျနော့်နှလုံးသားထဲမာ အမြဲတမ်း အမှတ်ရနီပါဖို့ လို့ဗာရက်တီ ကပြောကြားခပါရေ။
ဗာရက်တီစွာ အသင်းသစ် အယ်လ်အာရက်ဘီအသင်းမာ ကျောနံပါတ် ၇ ဝတ်ဆင်လားဖို့လို့ သိရပါရေ။
အသက် ၃၀ အရွယ် ဗာရက်တီစွာ PSG အသင်းမာ ၁၁ နှစ်ကြာကာလအထိကဇတ်ခပြီးကေ အသင်းနန့်တတူ ဆုဖလားပေါင်း ၃၀ အထိ ဆွတ်ခူးနိုင်ခပါရေ။
Source Italy midfielder Marco Verratti has completed a move to Qatari side Al-Arabi from Paris St-Germain for a reported 45m euros (38.7m).
Photo Transfermarkt
