APM ၊ ဩဂတ်စ် ၁၄ / ၂၀၂၃
ကမ္ဘောဒီးယားတွင် ရောက်ဟိနီသည့် တရုတ်နိုင်ငံခြားရီးဝန်ကြီး ဝမ်ယိသည် ဩဂတ်စ် ၁၃ ရက်နိက ကမ္ဘောဒီးယား ဝန်ကြီးချုပ်သစ် ဟွန်မာနက်နန့် ဖနွမ်းပင်မြို့တွင် တွိဆုံကာ နှစ်နိုင်ငံအကြား ပူးပေါင်းဆောင်ရွက်ရီးမြင့်တင်ရန် ဆွေးနွေးသဘောတူခကတ် ကြောင်း သိရသည်။
ဝန်ကြီးချုပ်နှစ်ယောက်တွိဆုံမှုတွင် နှစ်နိုင်ငံ ဆက်ဆံရီးတိုးမြှင့်ရန် နန့် ဒေသတွင်းဖွံ့ဖြိုးတိုးတက်ရီးဆိုင်ရာကိစ္စများကို ဆွေးနွေးခကတ်ပြီး နှစ်နိုင်ငံအကြား သဘောတူညီထားသည့် နိုင်ငံရီးပူးပေါင်းဆောင်ရွက်ရီး၊ ထုတ်လုပ်မှုစွမ်းဆောင်ရည်နန့် အရည်အသွီးမြှင့်တင်ရီး၊ လယ်ယာစိုက်ပျိုးရီး၊ စွမ်းအင်၊ လုံခြုံရီးပူးပေါင်းဆောင်ရွက်ရီးရို့ကို ထိန်းသိမ်းလားရန် သဘောတူခကတ်သည်။
ယင်းအပြင် စက်မှုလုပ်ငန်းတိုးတက်ရီး၊ ချစ်ကြည်ရင်းနှီးမှု တည်ဆောက်ရီးအပါအဝင် တရုတ်-ကမ္ဘောဒီးယား အဆင့်အတန်းမြင့် အသိုက်အဝန်းတရပ်ကို တည်ဆောက်လားရန်လေ့ သဘောတူခကတ်ကြောင်း သိရသည်။
တရုတ်နိုင်ငံခြားရီးဝန်ကြီး ဝမ်ယိ၏ အရှိတောင်အာသျှခရီးစဉ်တွင် စင်္ကာပူ နန့် မလေးသျှားသို့ လားရောက်၍အပြီး ကမ္ဘောဒီး ယားနိုင်ငံသို့ ရောက်ဟိခခြင်းဖြစ်ကာ ဝန်ကြီးချုပ်ဟောင်း ဟွန်ဆန်အပါအဝင်တခြားအရာဟိများ နန့် တွိဆုံခသည့်အပြင် ကမ္ဘောဒီးယားဘုရင် နိုရိုဒွန်စီဟာမိုနီ နန့်လေ့ တွိဆုံခကြောင်း သိဟိရသည်။
Source – Cambodia’s incoming PM meets China’s foreign minister
Photo – EPA-EFE
