
APM ၊ ဂျူလိုင် ၁၄ / ၂၀၂၃
မြန်မာပြည်၌ ဖြစ်ပေါ်နီသည့် အကြမ်းဖက်မှုများကို ပြင်း ပြင်းထန်ထန် ကန့်ကွက်ရှုံ့ချပြီး သက်ဆိုင်ရာအဖွဲ့အစည်းများအနီ နန့် အကြမ်းဖက်မှုများကို ရပ်တန့်ရန် ဂျူလိုင် ၁၃ ရက်နိတွင် အာဆီယံက ထပ်မံ တောင်းဆိုလိုက်သည်။
သက်ဆိုင်ရာ အဖွဲ့အစည်းများနန့်အကြမ်းဖက်မှုများကို ရပ်တန့်ရန်၊ လူသားချင်းစာနာမှုအကူအညီများပီးနိုင်ရီး အခြေအနီ တရပ်ဖန်တီးရန်၊ အားလုံးပါဝင်သည့် တွိဆုံဆွေးနွေးရီးဖြစ်လာရန် တိုက်တွန်းကြောင်း အာဆီယံနိုင်ငံခြားရီးဝန်ကြီးအစည်း အဝေးအပြီး ကြေညာချက်ထုတ် ပြန်သည်။
ယင်းအပြင် အာဆီယံအနီနန့် မြန်မာပြည်အရေးဖြေယှင်း ရာတွင် ၂၀၂၁ ခုနှစ်ကချမှတ်ထားသည့် ဘုံသဘောတူညီချက် ငါးရပ်ကို ဆက်လက်ကိုင်စွဲလားမည်ဖြစ်ပြီး ယင်း ငါးချက် အကောင်အထည်ပေါ်လာရီးအတွက် ညီညီညွတ်ညွတ်နန့် ဝိုင်းဝန်းကြိုးပမ်းကတ်ရန် သဘောတူခသည်ဟု ဆိုသည်။
အာဆီယံအလှည့်ကျဥက္ကဋ္ဌ အင်ဒိုနီးသျှားကမြန်မာအရေး တွင် သက်ဆိုင်သူများနန့် စိစပ်ညှိနှိုင်းမှုကို ထောက်ခံပြီး ကုလ သမဂ္ဂအပါအဝင် အိမ်နီးချင်းနိုင်ငံများအနီနန့် မြန်မာ့အရေးနန့် ပတ်သက်၍ အာဆီယံနန့် လက်တွဲပူးပေါင်းဆောင်ရွက်ရန် လေ့ တိုက်တွန်းထားသည်။
အင်ဒိုနီးသျှားနိုင်ငံ၊ ဂျကာတာမြို့တွင် ဂျူလိုင် ၁၁ ရက်နိမှ ၁၃ ရက်နိအထိ ကျင်းပခသည့် အာဆီယံနိုင်ငံခြားရီးဝန်ကြီးများ အစည်းအဝေးတွင် မြန်မာကိုယ်စားပြုအဖြစ် စစ်ကောင်စီနန့်NUG နှစ်ဖက်စလုံးကိုတက်ရောက်ခွင့်မပြုဘဲ ကျင်းပခခြင်းဖြစ်သည်။
Source – ASEAN foreign ministers communique falls short of concrete progress on Myanmar
Photo – The Jakartar Post
