APM၊ ဂျူလိုင် ၁၄/ ၂၀၂၃
ဘရားဇီးနိုင်ငံတွင် ပြီးခသည့်ဂျူလိုင် ၇ ရက်နိမှစ၍မိုးပြင်းပြင်းထန်ထန်ရွာသွန်းမှုကြောင့် ရီကြီးမြီပြိုမှုများဖြစ်ပွားရာ ဂျူလိုင် ၁၃ရက်နိမိုးထပိုင်းအထိ သီဆုံးသူ ၁၅ ယောက်အထိဟိလာကြောင်း သိရသည်။
ဂျူလိုင် ၇ရကျနိက ပါနန်ဘူကိုပြည်နယ်မြို့တော် ရီကိတ်ဖ်တွင် မိုးကြီးမှုအတွင်း အဆောက် အအုံပြို ကျ၍ အနည်းဆုံးလူ ၁၄ယောက်သီဆုံးခပြီး၊ ဂျူလိုင် ၁၂ ရက်နိ၊ညည့်ပိုင်းတွင်လေ့ နောက် ၁ ယောက် ထပ်မံ သီဆုံးခသည်။
မိုးကြီးရီကြီးမှုဒဏ်ကို အလာဂို့စ်ပြည်နယ်မှ မြို့ပေါင်း ၃၇ မြို့ဟိ လူပေါင်း ၂ သောင်းကျော် ထိခိုက်ခံစားခရပြီး လူ ၃၅၇၈ ယောက် အိုးမဲ့အိမ်မဲ့ဖြစ်ခရကြောင်း ဖက်ဒရယ်ပြည်သူ့ကာကွယ်ရီးဌာနက ပြောကြား သည်။
ပြည်နယ်အုပ်ချုပ်ရီးမှူး ပူလိုဒန်တတ်စ်က အနည်းဆုံးမြို့နယ် ၁၂ခုတွင် မြစ်ရီမြင့်တက်မှုကြောင့် ရီပီးဝီမှုပြတ်တောက်လား သည့်အတွက် အစိုးရအနီနန့် အရေးပေါ်လိုအပ်နီသည့် သောက်ရီ၊ စားနပ်ရိက္ခာနန့်အရေးပေါ်ကူညီရီးပစ္စည်းများကို ထောက်ပံ့လားမည်ဟု ပြောကြားသည်။
အလားတူ ပါနန်ဘူကိုပြည်နယ်တွင်လေ့ မိုးကြီးရီကြီးမှုကြောင့် မြို့နယ် ၂၅မြို့မှ လူပေါင်း ၄၅၀၀လောက် ထိခိုက်ခပြီး လူပေါင်း ၂၃၀နီးပါး အိုးအိမ်စွန့်ခွာကာရွှိပြောင်းခရသည်။
မိုးကြီးရီကြီးမှုကြောင့် ဗီရာခရုဇ်၊ ဆိုဘရာဒင်ဟို နန့် ရီယိုဂရန်ဒီ ဒိုဆူလ် ဒေသများတွင်လေ့ ဆုံးယှုံးပျက်စီးမှုများဟိခပြီး ဂျွိင်းယာမြို့ကို အရေးပေါ်အခြေအနီ ကြေညာထားရကြောင်းသိရသည်။
Source – Brazil: Severe Floods in Alagoas and Pernambuco, 14 Killed in Building Collapse
Photo – Government of Alagoas
