APM ၊ ဂျုန် ၁၄ / ၂၀၂၃
လီဖိအားနည်းဆဲလ်ကြောင့် ယာယီရန်နားထားသော ရက္ခိုင်ပြည်တွင်းရီကြောင်းလိုင်းတခုဖြစ်သည့် ရွှီပြည်တန် အမြန်ရီ ယာဉ်၏ ရီကြောင်းခရီး စဉ်တချို့ကို ဂျုန် ၁၃ ရက်နိမှစကာ ပြန်လည်ဗြီးဆွဲနီကြောင်းသိရသည်။
ကုန်ခသည့်ရက်ပိုင်းက ဘင်္ဂလားပင်လယ်အော်အရှိမြောက်ပိုင်းနန့် ယင်း နန့်ဆက်စပ်လျက်ဟိသော ဘင်္ဂလားပင်လယ်အော် အရှိအလယ်ပိုင်းရို့တွင်ဖြစ်ပေါ်ခသည့်လီဖိအားနည်းဆဲလ်ကြောင့် ရွှီပြည်တန်အမြန်ရီယာဉ် ၏ စစ်တွေ – ကျောက်ဖြူ – ရမ်းဗြဲ – ကျောက်နီမော် – တောင်ကုတ်နန့် တောင်ကုတ် – မာန်အောင် ဗြီးဆွဲနီသည့်ရီကြောင်းခရီစဉ်များကို ဂျုန် ၉ ရက်နိမှ စကာ ယာယီရပ်နားထားသည်။
လက်ဟိတွင် အဆိုပါ ရီကြောင်းခရီးစဉ်များအားလုံးကို ပုံမှန်အတိုင်းပြည် လည်ဗြီးဆွဲနီပြီးဖြစ်ကြောင်း ရွှီပြည်တန်အမြန်ရီ ယာဉ် လိုင်းတာဝန်ဟိသူက ပြောသည်။
စစ်တွေ- ကျောက်ဖြူ – ရမ်းဗြဲ -ကျောက်နီမော် -တောင်ကုတ် ခရီးစဉ်ကိုတော့ အပတ်စဉ် တလင်းလာ၊ ဗုဒ္ဓဟူး ၊ စနီ သုံးရက်စီ မိုးထ ၆ နာရီ ပုံမှန် ဗြီးဆွဲလျက်ဟိသည်ဟုဆိုသည်။
တခြား ရီကြောင်းခရီးစဉ်များကိုလေ့ ပုံမှန်ပြန်လည်ဗြီးလျက်ဟိပြီး တောင်ကုတ် – မာန်အောင် ခရီးစဉ်ကို နိစဉ် မိုးထ ၅ နာရီ ၊ ဘူးသီးတောင်- ရသေ့တောင်- စစ်တွေ ခရီးစဉ်ကို နိစဉ်မိုးထ ၆ နာရီ ၊ စစ်တွေ- ရသေ့တောင်- ဘူးသီးတောင် ခရီးစဉ်ကို နိစဉ် မိုးထ ၇ နာရီနန့် မာန်အောင်- တောင်ကုတ်ခရီးစဉ်ကို နိစဉ် မိုးထ ၈ နာရီ အချိန်တွင် ပုံမှန်ဗြီးဆွဲကြောင်း သိရသည်။
