APM ၊ ဖေဖော်ဝါရီ ၁၄ / ၂၀၂၃
၂၀၂၃ ခုနှစ်အတွက် ဂျပန်ဘာသာအရည်အချင်းစစ်စာမိန်းပွဲ(JLPT)ကို ရန်ကုန်နန့် မန္တလေးမြို့ ၌ လာမည့် ဂျူလိုင် ၂ ရက်နိတွင် ကျင်းပလားမည်ဖြစ်ကြောင်း မြန်မာပြည် ဂျပန်ပြန်ပညာသင်ဟောင်းအသင်း MAJA မှ ထုတ်ပြန် ကြေညာထားသည်။
စာမိန်းပွဲအတွက် လျှောက်လွှာကို အွန်လိုင်းမှသာလက်ခံလားမည်ဖြစ်ကြောင်းနန့် လူဦးရေအကန့်အသတ်မဟိ လက်ခံလားမည်ဖြစ်ကာ လျှောက်လွှာလက်ခံသည့်ကာလအတွင်း မိုးထ၉နာရီမှ ညဇာ ၆နာရီအတွင်း လျှောက်ထား နိုင်သည်ဟု ထုတ် ပြန်ကြေညာချက်တွင် ဖော်ပြပါဟိသည်။
လျှောက်လွှာလက်ခံသည့်ကာလအဖြစ် level N1 နန့် N2 အတွက် ဖေဖော်ဝါရီ ၂၁ ရက်နိမှ မာ့ချ်လ ၃ ရက်နိအထိ၊ N3 အတွက် ဖေဖော်ဝါရီ ၂၂ ရက်နိမှ မာ့ချ် ၃ ရက်နိအထိ၊ N4 အတွက် ဖေဖော်ဝါရီ ၂၃ ရက်နိမှ မာ့ချ် ၃ ရက်နိ အထိနန့် N5 အတွက် ဖေဖော်ဝါရီ ၂၄ ရက်နိမှ မာ့ချ် ၃ ရက်နိအထိဖြစ်ကြောင်း ဖော်ပြထားသည်။
စာမိန်းပွဲကြေးနန့် လျှောက်လွှာတင်ကြေးအဖြစ် level N1၊ N2 နန့် N3 အတွက် စုစုပေါင်း ၄ သောင်း ၅ ထောင်ကျပ်၊ level N4နန့် N5 အတွက် ၄ သောင်းကျပ်စီကျခံရမည်ဟု ဆိုသည်။
ပြီးခသည့် ၂၀၂၂ခုနှစ်၊ ဩဂတ်စ်လကပြုလုပ်ခသည့် ဂျပန်ဘာသာအရည်အချင်းစစ်စာမိန်းပွဲ(JLPT) တွင် စာမိန်းပွဲ ဖြေဆိုခွင့်ကို အကန့်အသတ်နန့်ရာ လက်ခံခမှုကြောင့် လျှောက်လွှာစရောင်းသည့်နိမှာပင် လူစုလူဝေးများ ဖြစ်ပေါ် ခပြီး လျှောက်လွှာရောင်းချမှုကို ပိတ်သိမ်းခရကြောင်း သိဟိရပါသည်။
Photo – MAJA
