APM၊ နိုဗမ်ဘာ ၁၄ /၂၀၂၄
အာရက္ခနန့် ပလက်ဝဒေသစစ်ဆင်ရီး တနှစ်တာကာလအတွင်း ဖက်ဆစ်အကြမ်းဖက်စစ်ကောင်စီတပ်က လက်နက်ကြီးပစ်ခတ်မှု၊ လီကြောင်းတိုက်ခိုက်မှုတိကြောင့် ပြည်သူပိုင်အဆောက်အအုံ ၁၅၃ ခုပျက်စီးလားကြောင်း အာရက္ခတပ်တော် (AA)က နိုဗမ်ဘာ ၁၃ ရက်နိမာ ထုတ်ပြန်ပါရေ။
ပျက်စီးလားရေ အဆောက်အအုံတိမာ ဆီးရုံ ၁၂ လုံး၊ စာသင်ကျောင်း ၃၀ ၊ ဘုန်းကြီးကျောင်း ၇၀ ၊ ခရစ်ယာန်ဘုရားကျောင်း ၁ ကျောင်း၊ ဗလီ ၂ လုံး၊ စျီး ၂၁ စျီး နန့် ဌာနဆိုင်ရာ အဆောက်အအုံ ၁၇ ခု ပါဝင်ရေလို့ ဆိုပါရေ။
ယင်းအပြင် စစ်ဆင်ရီး တနှစ်တာကာလအတွင်း အာရက္ခဒေသမာ ဖက်ဆစ်အကြမ်းဖက်စစ်ကောင်စီ၏ လီကြောင်းတိုက်ခိုက်မှု၊ မိုင်းခွဲဖျက်ဆီးမှုတိကြောင့် ပျက်စီးလားရေတန်းထား ၂၈ စင်း ဟိရေလို့လည်း အာရက္ခနန့် ပလက်ဝဒေသ စစ်ဆင်ရီး တနှစ်ပြည့်နိမာ(နိုဗမ်ဘာ ၁၃ ရက်နိ)မာ အာရက္ခတပ်တော်က ထုတ်ပြန်ထားပါရေ။
Please follow and like us:
