APM ၊ နိုဗမ်ဘာ ၁၄ / ၂၀၂၃
မင်းပြားမြို့မာ ဒေနိ (နိုဗမ်ဘာ ၁၄ ရက်နိ) ညဇာက စစ်ကောင်စီတပ်၏ လက်နက်ကြီးနန့် ယမ်းသန်းပစ်ခတ်မှုကြောင့် မြို့ခံတယောက် ဒဏ်ရာရလားရေလို့ သိရပါရေ။
ဒဏ်ရာရလားရေလူမာ မင်းပြားမြို့၊ ကျွန်းညိုရပ်ကွက်က မမိမိ(၂၅ နှစ်) ဖြစ်ပါရေ။
မမိမိစွာ ဒေနိ ညဇာ ၈ နာရီလောက်က အိမ်ထဲမာ ထိုင်နီချိန် စစ်ကောင်စီတပ်ပစ်လိုက်တေ လက်နက်ကြီးကျည်တလုံး အိမ်နားသို့ကျရောက် ပေါက်ကွဲခကြောင်း မိသားစုဝင်တိကပြောပါရေ။
ယင်းပိုင် လက်နက်ကြီးကျည်ကျရောက် ပေါက်ကွဲခလို့ မမိမိ၏ ဦးဂေါင်းနောက်စိမာ လက်နက်ကြီးကျည်စကျပနာ ဒဏ်ရာရလားစွာလို့ ဆိုပါပါရေ။
လက်ဟိ မမိမိကို မင်းပြားဆီးရုံကြီးသို့ အရေးပေါ်ပို့ဆောင်ဖို့ဆိုကေလေ့ မြို့ထဲမာ စစ်ကောင်စီတပ်ဖွဲ့ဝင်တိက မြို့ထဲလမ်းတလျှောက်မာ လက်နက်ချေတိနန့် ယမ်းသမ်းပစ်ခတ်နီလို့ အခက်ကြုံနီကတ်ရပါရေ။
နိုဗမ်ဘာ ၁၃ ရက်နိ ညည့်ကလည်း မင်းပြားပြို့ထဲမာ စစ်ကောင်စီတပ်ဖွဲ့ဝင်တချို့ သီနတ်တိနန့် ယမ်းသန်းပစ်ခတ်မှုကြောင့် မြီးအဘောင်မနှစ်ယောက် ဒဏ်ရာရခရပါသိမ့်ရေ။
ယင်းနည်းတူ နိုဗမ်ဘာ ၁၃ ရက်နိ မိုးထကလည်း စစ်ကောင်စီတပ်လက်နက်ကြီး ယမ်းသန်းပစ်ခတ်မှုကြောင့် မင်းပြားမြို့နယ်၊ ဖေသာပြင် ရွာသားတယောက် ပြင်းပြင်းထန်ထန် ဒဏ်ရာရခရကြောင်း သိဟိရပါရေ။
