APM ၊ ဂျန်နဝါရီ ၁၄ /၂၀၂၄
မြောက်ဦးမြို့မာ ဂျန်နဝါရီ ၁၄ ရက်နိ၊ နိခင်း ၁ နာရီကျော်လောက်က စစ်ကောင်စီပစ်လိုက်တေ လက်နက်ကြီးကျည်ကျလို့ မြောက်ဦးမြို့၊ လက်ကောက်ဈီးရပ်ကွက်က ပညာနန်းရိပ် ကိုယ်ပိုင်အထက်တန်းကျောင်း မီးလောင်လားရေလို့ သိရပါရေ။
ဒေနိ၊ နိခင်း ၁၂ နာရီ ၅၅ မိနစ်လောက်က မြောက်ဦးအခြီစိုက် စစ်ကောင်စီတပ် ခမရ(၃၇၇) တပ်ရင်းက ပစ်လိုက်တေ လက်နက်ကြီးကျည်စွာ ပညာနန်းရိပ် ကိုယ်ပိုင်အထက်တန်းကျောင်းသို့ ကျရောက် ပေါက်ကွဲပနာ မီးလောင်မှုဖြစ်ခရေလို့ မြို့ခံတိက ပြောပါရေ။
လက်ဟိအချိန်ထိလည်း မြောက်ဦးမြို့ကို စစ်ကောင်စီတပ်က လက်နက်ကြီးတိ၊ ဂျက်ဖိုက်တာတိနန့်ဒရုန်းတိအသုံးပြု တိုက်ခိုက်လို့ ဟိနီပြီးကေ မြို့ပေါ်ရပ်ကွက်တိနန့် မြို့နားပတ်ဝန်းကျင် ရပ်ရွာတိမာ ကျရောက်ပေါက်ကွဲနီရေလို့ သိဟိပါရေ။
Please follow and like us:
