APM ၊ ဂျန်နဝါရီ ၁၄ /၂၀၂၃
စနီနိ (ဒေနိခါ) အိမ်ကွင်းမှာ ကဇတ်ရမည့် မန်စီးတီးနန့်ပွဲအတွက် အဆင်သင့်ပြင်ထားရန် အသင်းဖော်များကို မန်ယူ နောက်ခံလူ မာတီနက်ဇ်က သူ့အသက်၂၅ နှစ်ပြည့်မွီးနိမှာ တိုက်တွန်း ပြောဆိုလိုက်သည်။
မာတီနက်ဇ်က ”ကျနော် အဂု ကလပ်ကို ပြန်ရောက်နီပါဗျာလ်။ အသင်းအတွက် အရာရာကို ပီးစွမ်းနီပါရေ။ ဒါဘီပွဲ အတွက် ကျနော်ရို့ အဆင်သင့်ဖြစ်နီပါဗျာယ်။ ရှိကိုလားဖို့ရာ လိုပါရေ။ ကျနော့်မွီးနိလက်ဆောင်အဖြစ် မန်စီးတီးကို အနိုင်ရချင်ပါရေ” ဟု manutd.com ကတဆင့် ပြောဆိုသည်။
မာတီနက်ဇ်သည် အေဂျက်စ်ကနီ ပြောင်းရွှိကြေး ၄၉ သန်းအပါအဝင် အပိုဆုကြေး ပေါင် ၈.၅ သန်းဖြင့် ၂၀၂၂ ခုနှစ် ဂျုလိုင် ၂၇ ရက်နိမှာ မန်ယူသို့ ရောက်ဟိလာပြီး၊ ၅ နှစ်စာချုပ် ချုပ်ဆိုခသည်။
မာတီနက်ဇ်သည် လက်ဟိမန်ယူနည်းပြ တန်ဟက်ဂ်နန့် အေဂျက်စ်မှာ လက်တွဲခသည့်အတွက် မန်ယူအသင်းမှာ အဓိက ပွဲထွက် ကဇတ်သမားအဖြစ် ပါဝင်ကာ ခြီစွမ်းပြ ကဇတ်ခသည်။
အာဂျင်တီးနားအသင်းနန့်အတူ ကမ္ဘာ့ဖလားချန်ပီယံဆုကို ရဟိခသည့်အတွက် “ကျနော်ကောင်းပျော်ပါရေ။ ကမ္ဘာ့ ချန်ပီယံဖြစ်ရစွာကို ကျနော် အဂုထိ အဓိပ္ပါယ်မဖော်ဆောင်နိုင်ပါသိမ့်။ စက္ကန့်တိုင်းပျော်ရပါရေ”ဟု မာတီနက်ဇ်က ပြောဆိုခသည်။
Source – Lisandro Martinez sends message to Manchester United teammates ahead of Man City
Photo – GETTY Image
