APM၊ ဒီဇမ်ဘာ ၁၃/၂၀၂၂
ဒေနိညည့် ၁ နာရီ၊ ၃၀မိနစ်တွင် ကဇတ်ရမည့် အာဂျင်တီးနား နန့် ပွဲအတွက် ခရိုအေးသျှား အသင့်ဖြစ်နီ ကေလေ့ ဒေပွဲသည် ဘဝအတွက် အရေးအကြီးဆုံးပွဲဖြစ်ကြောင်း ခရိုအေးသျှား အသင်းဂေါင်းဆောင် (ကွင်းလယ်ကဇတ် သမား) လူကာမိုဒရစ်က ပြောဆိုလိုက်သည်။
“အာဂျင်တီးနားက ကြီးကျယ်ရေအသင်းတသင်းဆိုစွာ မှန်ပါရေ။ အားလုံးက အာဂျင်တီးနားပိုင် ဘောလုံးအင်အား ကြီးနိုင်ငံကို အနိုင်ရဖို့ ပိုလိုမျှော်လင့်ကတ်ဖို့ပါ။ ကျနော်ရို့ကိုတော့ သူရို့လောက် မမှန်းကတ်ပါ။ ယေကေလေ့ အဂု ပိုင် အမှောင်ထဲကနီ ကြိုးစားဖို့အခွင့်အရေးရစွာကို ပိုကြိုက်ပါရေ”ဟု ကွင်းလယ်ကဇတ်သမား မိုဒရစ်က ဆိုသည်။
ယင်းအပြင် “မက်ဆီစွာ ကြီးကျယ်ရေ ကဇတ်သမားတယောက်ဆိုစွာ မှန်ကေလေ့ သူ့ တယောက်တည်းကိုရာ အာရုံစိုက်ရဖို့ ပွဲမျိုးတော့ မဟုတ်”ဟုလေ့ မိုဒရစ်က မှတ်ချက်ပြုသည်။
ရုသျှကမ္ဘာ့ဖလားတွင် ဒုတိယဆုရဟိခသည့် ခရိုအေးသျှားအသင်းသည် ဒေဂုကာတာကမ္ဘာ့ဖလားမှာ ဂျပန်နန့် ဘရာဇီး အသင်းရို့ကို ကျော်ဖြတ်ပြီး၊ ဆီမီးဖိုင်နယ်အဆင့်သို တက်ရောက်လာခခြင်း ဖြစ်သည်။
Photo – Aljazeera
