APM၊ စပ်တမ်ဘာ ၁၃/ ၂၀၂၃
တရုတ်နိုင်ငံတောင်ပိုင်းမာ မိုးသက်မုန်တိုင်းတိုက်ခတ်စွာက မိုးပြင်းပြင်းထန်ထန်ရွာသွန်းမှုကြောင့် မြီပြိုမှု ၁၀၀ ကျော်ဖြစ်ခပနာ လူ ၇ယောက်ထက်မနည်း သီဆုံးခကြောင်း စပ်တမ်ဘာ ၁၂ရက်နိမာ နိုင်ငံပိုင် မီဒီယာက ဖော်ပြပါရေ။
ကွမ်းချီဒေသဟိ ယုလင်မြို့မာ စပ်တမ်ဘာ ၁၀ ရက်နိနန့် ၁၁ ရက်နိအတွင်း ရီကြီးမှုတိကြောင့် မြီပြိုမှု အများအပြား ဖြစ်ခပြီးကေ လူပေါင်း ၁,၃၀၀ ကျော် ပိတ်မိခစွာမာ လူ ၇ ယောက်သီဆုံးခရေလို့ ဆင်ဟွာသတင်းမာ ဖော်ပြချက်အရ သိရပါရေ။
ယင်းမြီပြိုမှုတိကြောင့် တခြားလူ ၃ယောက် ပျောက်ဆုံးနီပြီးကေ ကွမ်တုန်းပြည်နယ် ကမ်းရိုးတန်းဟိ မောဝ်မိုင်း (Maoming) မြို့မာ ရီကြီးလို့ မီးကျောင်းမွီးမြူရီးကန်တခုက မီးကျောင်းအကောင် ၇၀ ကျော် လွတ်မြောက်နီရေလို့ ဆိုပါရေ။
ယင်းကြောင့် မွီးကျောင်းမွီးမြူရီးခြံအနားဟိ ဒေသခံတိကို အိမ်ထဲမာနီထိုင်ကတ်ဖို့ အာဏာပိုင်တိက ညွှန်ကြားထားပြီး မီးကျောင်းတိကို ဖမ်းဆီးဖို့ ကြိုးပမ်းနီရေလို့ ဒေသခံမီဒီယာတိမာ ဖော်ပြပါရေ။
Source 7 people have died in storms in southern China and 70 crocodiles are reported to be on the loose
Photo AP
