APM ၊ စပ်တမ်ဘာ ၁၃ / ၂၀၂၃
မန်ယူအသင်းစွာ အသင်း၏ တောင်ပံကဇတ်သမားတိဖြစ်တေ ဂျေဒန် ဆန်ချိုနန့် အန်တိုနီရို့နီရာမာ အစားထို့ဖို့အတွက် အသင်းလက်မဲ့ဖြစ်နီရေ အက်စတွန်ဗီလာတောင်ပံကဇတ်သမားဟောင်း အန်ဝါ အယ်လ်ဂါဇီကို ကြားခံတိကနီတဆင့် ကမ်းလှမ်းထားကြောင်း 90min က ဖော်ပြပါရေ။
လက်ဟိ အပြောင်းအရွှိစျီးကွက်ပိတ်လားဗျာယ်ဖြစ်တေအတွက် မန်ယူအနီနန့် ကဇတ်သမားခေါ်ယူဖို့ဆိုကေတောင် အလွတ်အေးဂျင့် ကဇတ်သမားတိကိုရာ ခေါ်ယူရဖို့ဖြစ်လို့ PSV အသင်းက ထွက်လာရေ နယ်သာလန်လက်ရွီးစင် တောင်ပံကဇတ်သမား အယ်လ်ဂါဇီ ကို ခေါ်ယူဖို့ ကြိုးပမ်းနီစွာ ဖြစ်ပါရေ။
မန်ယူအသင်းမာ တောင်ပံတိုက်စစ်ကဇတ်သမားတိဖြစ်တေ အန်တိုနီစွာ သူ့၏ချစ်သူဟောင်းက တရားစွဲဆိုထားရေအတွက် တရားရင်ဆိုင်ရဖို့အခြေအနေ နန့် ကြုံတွိနီရပြီးကေ ဆန်ချိုကလည်း ပွဲထွက်မကဇတ်ရလို့ နည်းပြတန်ဟက်ကို ဝေဖန်ပြောဆိုထားပနာ အသင်းမာ ပြသနာတိဖြစ်ပွားနီကြောင်း သိရပါရေ။
အသက် ၂၈ အရွယ် အေဂျက်စ်၊ အဲဗာတန် နန့် PSV ကဇတ်သမားဟောင်း အယ်လ်ဂါဇီ စွာ ဗီလာအသင်းမာ ပရီးမီးယားလိဂ် ၇၁ ပွဲ ကဇတ်ပီးခပြီး ၂၀၂၀-၂၁ ရာသီမာ ၁၀ ဂိုးသွင်းယူပီးခပါရေ။
Source- Manchester United offered to sign Anwar Al Ghazi/90min
Photo-Daily Mail
