APM၊ ဂျူလိုင် ၁၃/ ၂၀၂၃
ဘင်္ဂလားဒေ့ချ်နိုင်ငံ၏ လက်ဟိအစိုးရ ချိတ်ဟာဆီနာ ဦးဆောင်နီသည့် အဝါမီလိဂ် အစိုးရ နုတ်ထွက်ရီးအတွက် လာမည့် ဂျူလိုင် ၁၈ရက်နန့် ၁၉ရက်ရို့၌ ဒါကာမြို့ အပါအဝင် နိုင်ငံတဝန်းတွင် ချီတက်ဆန္ဒပြပွဲများ ပြုလုပ်လားမည်ဟု ပြိုင်ဖက် ဘင်္ဂလားဒေ့ချ် အမျိုးသားပါတီ (BNP) က ဂျူလိုင် ၁၂ ရက်နိက ထုတ်ပြန်သည်။
ဂျူလိုင် ၁၂ရက်နိမွန်းလွဲပိုင်းက ဒါကာတွင်ပြုလုပ်ခသည့် BNP ပါတီဝင်များတွိဆုံပွဲတွင် BNPအထွေထွေအတွင်းရီး မှူးချုပ် မာဇာဖာ့ခရို အစ္စလာမ် အလမ်ဂီယာ က ယင်းသို့ပြောကြားခြင်း ဖြစ်သည်။
BNP ပါတီက အဝါမီလိဂ်အစိုးရ နုတ်ထွက်ရီး၊ ပါလီမန်ကို ဖျက်သိမ်းရီး၊ ပါတီဝင်မဟုတ်သည့် အိမ်စောင့်အစိုးရ ထူထောင်ရီးနန့် BNP ပါတီဂေါင်းဆောင် ကလီဒါဇီယာ အပါအဝင် နိုင်ငံရီးအကျဉ်းသားအားလုံးလွှတ်ပီးရီး ချီတက် တောင်းဆိုမည်ဟု ဆိုသည်။
ထုတ်ပြန်ချက်အရ ဂျူလိုင် ၈ရက်နိတွင် ဂတ်ဘ်တိုလီမြို့မှ ဒါကာမြို့ဟိ ဂျာထရာဘာရီမြို့နယ်သို့ မိုးထ ၁၀ နာရီမှ ညဇာ ၄ နာရီအထိ ချီတက်မည်ဖြစ်ပြီး ဂျူလိုင် ၁၉ ရက်နိတွင် အဗ္ဗဒူလာပါကျေးရွာမှ ဒါကာမြို့ဟောင်း၊ ဘဟာဒူချတ်ပန်းခြံသို့ ချီတက်မည်ဟု သိရသည်။
Source – BNP to hold marches across Bangladesh on July 18, 19/ Dhaka Tribune
Photo – Dhaka Tribune
