APM၊ ဂျုန် ၁၃ /၂၀၂၃
စစ်တွေမြို့နယ် ဒါးပိုင်ရွာမူဆလင်စျီးတွင်ဂျုန် ၁၂ ရက်နိ ညည့် ၉ နာရီခွဲလောက်က မီးလောင်မှု ဖြစ်ပွားခ၍ နီအိမ် တဆောင် နန့် ဆိုင်ခန်း ၁၀ ခန်း ပျက်စီးဆုံးယှုံးလားကြောင်း သိရသည်။
ဖြစ်စဉ်မှာ ဒါးပိုင်ရွာမူဆလင်စျီးဟိ ဆိုင်ခန်းတခန်းအတွင်း ဖယောင်း တိုင်မီး ထွန်းထားရာမှ စတင်လောင်ကျွမ်းခ ခြင်းဖြစ် သည်။
အဆိုပါ မီးလောင်မှုကြောင့် နီအိမ် တဆောင်နန့် ဆိုင်ခန်း ၁၀ ခန်း ပျက် စီးဆုံးယှုံးလားခရသည်။
မီးလောင်မှုကိုတော့ မီးသတ်ဦးဌာန အပါအဝင်အနားဟိ ဒေသခံပြည်သူများဝိုင်းဝန်းငြိမ်းသတ်မှုကြောင့် ညည့် ၁၀ နာရီကျော်တွင် ငြိမ်းသတ်နိုင်ခသည်ဟုဆိုသည်။
အဆိုပါမီးလောင်မှုကြောင့် လူ/တိရစ္ဆာန် ထိခိုက်မှုများ မဟိခကေလေ့ မီးဖီးဒုက္ခသည် ၅ ယောက်ဟိခကာ လက်ဟိ နီးစပ်ရာ ဆွေမျိုးများနီအိမ်၌ ယာယီ ခိုလှုံနီကတ်ရကြောင်း သိရသည်။
Photo- Rakhine Fire Force
Please follow and like us:
