APM၊ မာ့ချ် ၁၃/၂၀၂၅
ကျောက်ဖြူမြို့နယ်၊ဇင်ချောင်းရွာကို ဒေနိ( မာ့ချ် ၁၃ ရက်နိ) နိခင်းပိုင်းက အကြမ်းဖက် ဖက်ဆစ် စစ်ကောင်စီ နေဗီက လက်နက်ကြီးနန့် ရည်ရွယ်ချက်ဟိဟိ ပစ်ခတ်တိုက်ခိုက်ခရေလို့ ဒေသခံတိက ပြောပါရေ။
ဒေနိ၊ နိခင်း ၁ နာရီ ၄၅ မိနစ်မာ ဇင်ချောင်းရွာ အောက်ဖက် ပင်လယ်ပြင်မာ တန့်ထားရေ အကြမ်းဖက် ဖက်ဆစ်စစ်ကောင်စီ နေဗီက ဇင်ချောင်းရွာဖက်သို့ ဦးတည်ပြီးကေ ရည်ရွယ်ဟိဟိ လက်နက်ကြီးကျည် ၄ လုံး ပစ်ခတ် ခရေလို့ ဒေသခံတယောက်က Arakan Princess Media ကို ပြောပါရေ။
ယင်း လက်နက်ကြီးကျည် ၄ လုံးစွာ ဇင်ချောင်းတိုက်နယ်၊ ဝက်တောပြင်ရွာနားလယ်ကွင်းမာ တလုံး၊ ဇင်ချောင်းရွာအနားမာ တလုံး ကျရောက်ပေါက်ကွဲပနာ ကျန်၂ လုံးက ပင်လယ်ထဲသို့ကျလားရေလို့ ဆိုပါရေ။
အကြမ်းဖက် ဖက်ဆစ် စစ်ကောင်စီစွာ သူရို့ လက်လွှတ်ရဖို့ယာဖြစ်တေကျောက်ဖြူ ၊စစ်တွေ မြို့နယ်ရို့မာအပြစ်မဲ့အရပ်သားပြည်သူတိနီထိုင်ရာ ရပ်ရွာတိကို လီကြောင်း အပြင် လက် နက်ကြီး၊ ဒရုန်းတိနန့်ပါ နိစဉ်ရက်ဆက် ပစ်ခတ် တိုက်ခိုက်လို့ ဟိနီပါရေ။
Photo- Narinjara
