APM ၊ ဖေဖော်ဝါရီ ၁၃ / ၂၀၂၃
တောင်ကုတ်မှာ ဖေဖော်ဝါရီ ၁၂ ရက်နိက အဝီးသင်တက္ကသိုလ်ကျောင်းသား ၃ ယောက်ကို ရဲများက မတရားအကြောင်းမဲ့ရိုက်နှက်ခကတ်ကြောင်း သိရသည်။
ရိုက်နှက်ခံခရသူများမှာ တောင်ကုတ်အဝီးသင်တက္ကသိုလ်မှ သင်္ချာမေဂျာ တတိယနှစ် ကိုနိုင်ဝင်းထွန်း၊ ကိုနိုင်ဖြိုး၊ ကိုမျိုးကျော်ဝင်းရို့ဖြစ်ကတ်သည်။
သူရို့ ၃ ယောက်သည့် ဖေဖော်ဝါရီ ၁၂ရက်နိ ညည့် ၈ နာရီကျော်ခန့်၌ တက္ကသိုလ်ဖက်မှ သူရို့နီထိုင်ရာ အဆောင်ဖက်သို့ ဆိုင်ကယ်ဖြင့် ပြန်လာစဉ် ကိုင်းရှည်တန်းထားအရောက် ကင်းစောင့်နီသည့် ရဲသားများက အကြောင်းမဲ့ ထိုးကြိတ်ရိုက်နှက်ခခြင်း ဖြစ်သည်။
ယင်းသို့ထိုးကြိတ်ရိုက်နှက်မှုကြောင့် ယင်းကျောင်းသား ၃ ယောက်တွင် ဒဏ်ရာအနာတရများ ရလားခကတ်ကြောင်း မျက်မြင်ဒေသခံများက ဆိုသည်။
ကိုနိုင်ဝင်းထွန်း၊ ကိုနိုင်ဖြိုးနန့် ကိုမျိုးကျော်ဝင်းရို့သည် တောင်ကုတ်တက္ကသိုလ်တွင် သင်္ချာမေဂျာ တတိယနှစ် အဝီးသင်တက်ရောက်နီကတ်သူ များဖြစ်ကတ်သည့်အပြင် လက်ထောက်မူလတန်းပြကျောင်းဆရာများလေ့ ဖြစ်ကြောင်း သိဟိရသည်။
