APM ၊ နိုဗမ်ဘာ ၁၃ / ၂၀၂၃
ဒေနိ(နိုဗမ်ဘာ ၁၃ ရက်နိ)နိခင်းက မောင်တောမြို့နယ်မာ ရက္ခိုင့်တပ်တော် AA နန့် စစ်ကောင်စီတပ်ရို့ ရင်ဆိုင်တိုက်ပွဲဖြစ် ပွားခပြီးကေ၊ စစ်ကောင်စီတပ်က ယမ်းသန်းပစ်လိုက်တေ လက်နက်ကြီးကျည်ကြောင့် အသက် ၇ နှစ်အရွယ် အချေတယောက် ဒဏ်ရာရလားကြောင်း သတင်း ရဟိပါရေ။
ဒဏ်ရာရလားရေ အချေစွာ မောင်တောမြို့နယ်၊ သင်္ဘောလှရွာက (အဖ) ဦးစိန်သာမောင်၏သား မောင်ကျော်စိုးနိုင်(၇ နှစ်) ဖြစ်ပါရေ။
ဒေနိ၊မိုးထကစလို့မီးတိုက်ရွာနန့် သင်္ဘော လှရွာနားမာ AA နန့် စစ်ကောင်စီတပ်ရို့ ရင်ဆိုင်တိုက်ပွဲဖြစ်ပွားခကတ်စွာပါ။
တိုက်ပွဲအတွင်း စစ်ကောင်စီတပ်က အထိနာလို့ မောင်တောအခြီစိုက် စစ်ကောင်စီတပ် တောင်ပြိုလက်ယာ ဗျူဟာကုန်းကနီ သင်္ဘောလှရွာဖက်သို့ လက်နက်ကြီး နန့် တရစပ် ပစ်နီခပါရေ။
ယင်းလက်နက်ကြီးကျည်တိစွာ သင်္ဘောလှရွာထဲသို့ ကျရောက်ပေါက်ကွဲခပြီးကေ မောင်ကျော်စိုးနိုင်၏ ညာဖက်တင်သားကို ကျည်စဖောက်ဝင်လားခပါရေ။
လက်ဟိမာ မောင်ကျော်စိုးနိုင်ကို နံ့သာတောင်ကျေးရွာသို့ ပို့ဆောင် ဆီးကုသပီးနီရေလို့ သိဟိရပါရေ။
