APM ၊ နိုဗမ်မာ ၁၃ /၂၀၂၃
ရက္ခိုင်မာ ဒေနိ(နိုဗမ်ဘာ ၁၃ ရက်နိ)မိုးထက ရက္ခိုင့်တပ်တော်(AA) နန့်စစ်ကောင်စီတပ်ရို့ တိုက်ပွဲစလို့ ဖြစ်ပွားပြီးနောက် ရက္ခိုင်ပြည်မြို့နယ်တိက ကုန်လမ်းတိကို စစ်ကောင်စီ ပိတ်ထားလိုက်ကြောင်းသိရပါရေ။
ဒေနိမိုးထကစပြီးကေ ရက္ခိုင့်တပ်တော် (AA)နန့် စစ်ကောင်စီတပ်ရို့ မြို့နယ်နှစ်ခုမာ တိုက်ပွဲတပြိုင်တည်းဖြစ်ပွားနီစွာပါ။
ယင်းနောက်ပိုင်း စစ်ကောင်စီတပ်စွာ ဂွ၊ သံတွဲ၊ တောင်ကုတ်၊မြောက်ဦး၊ ကျောက်တော်၊ပုဏ္ဏားကျွန်း၊ရသေ့တောင်၊စစ်တွေ အစဟိရေ မြို့နယ်တိက မြို့ဝင်၊ မြို့ထွက်လမ်းတိကို စစ်ကောင်စီက ချက်ချင်းပိတ်ထားလိုက်ပါရေ။
မြောက်ဦးမြို့ စစ်ကောင်စီတပ် ၅၄၀ ငွေတောင်ပေါက်ဂိတ်ကို ဒေနိမိုးထ ၇ နာရီ ၄၅ မိနစ်က စလို့ ပိတ်လိုက်ပြီးကေ ကျောက်တော်မြို့ဝင်ဝ စစ်ကောင်စီ၏ တပ်မဂိတ်ကိုလည်း ဒေနိမိုးထက စစ်ကောင်စီတပ်က ပိတ်ထားလိုက်တေအတွက် ဒေသခံခရီးလားပြည်သူတိနန့် ကားသမားတိ ပိတ်မိနီကတ်ပါရေ။
ယင်းအပြင် စစ်တွေ-ပုဏ္ဏားကျွန်းကားလမ်း၊မောင်တော-အငူမော်ကားလမ်း၊ ရသေ့တောင်-ပုဏ္ဏားကျွန်းကားလမ်းနန့် ဧရာဝတီ-ဂွ-သံတွဲ ကားလမ်းကိုလည်း လက်ဟိမာ စစ်ကောင်စီက ပိတ်ထားလိုက်ပါရေ။
