
APM ၊ ဂျန်နဝါရီ ၁၃ / ၂၀၂၄
ဂျန်နဝါရီ ၁၃ ရက်နိ၊ ညည့်ခါ မင်းပြားမြို့ကို စစ်ကောင်စီတပ်က Y – 12 လီယာဥ်နန့် ဗုံးကြဲတိုက်ခိုက်လို့ လူနီအိမ် ၁၁ ဆောင် မီးလောင်ပြာကျလားကြောင်း သိရပါရေ။
မီးလောင်လားခရေအိမ်တိကတော့ မင်းပြားမြို့၊ အောက်ရွာပိုင်းရပ်ကွက်က ကိုဇော်မင်း (ပုဇွန်ဒိုင်)၊ဝင်းဝင်း(လက္ဖရည်ဆိုင်)၊တရုတ်ဂဏန်းဒိုင်နန့် ဦးရွှီလှမောင်၊ ဥိီးလှဖြူ၊ဦးအေးသန်းမောင်၊ ဦးထွန်းစိန်အောင်၊ ဦးမောင်လှဝေ ၊ ဦးမောင်သန်းအမိ၊ ဒေါ်မစိန်နု၊ ကိုချက်ကြီးရို့၏ အိမ်တိဖြစ်ကတ်ပါရေ။
ဒေနိ ညည့် ၈ နာရီလောက်က စစ်ကောင်စီတပ်စွာ Y – 12 လီယာဥ်နန့်မင်းပြားမြို့ကိုရည်ရွယ်ချက်ဟိဟိဗုံးကြဲတိုက် ခိုက်ခရေလို့ မျက်မြင်ဒေသခံတိက ပြောပါရေ။
ယင်းတိုက်ခိုက်မှုကြောင့် မင်းပြားမြို့၊အောက်ရွာပိုင်းရပ် ကွက်က ကိုဇော်မင်း(ပုဇွန်ဒိုင်)ကို ဗုံးသီးကျရောက်ပေါက် ကွဲ၊မီးစလောင်ခစွာဖြစ်ပြီးကေ ယင်းကတဆင့်တအိမ်ပြီး တအိမ် မီးလောင်ပြာကျလားခရေလို့ ဆိုပါရေ။
မီးလောင်မှုကိုတော့ ဒေသခံတိဝိုင်းလို့ကူညီငြိမ်းသတ်လို့ ညည့် ၉ နာရီခွဲလောက်မာ မီးသီလားကြောင်း သိဟိရပါရေ။
