APM ၊ ဂျန်နဝါရီ ၁၃ /၂၀၂၃
အက်သလက်တီကိုမက်ဒရစ် အသင်းမှ အငှားဖြင့်ရောက်လာသည့် ပေါ်တူဂီတောင်ပံကဇတ်သမား ဂျာအိုဖီးလစ် သည် ချဲလ်ဆီးအသင်းနန့် ပွဲဦးထွက်မှာ တိုက်ရိုက်အနီကတ် အပြခံလိုက်ရသည့်အတွက် ၃ ပွဲအပယ်ခံလိုက်ရ ကြောင်း သိရသည်။
ညဇာက ညည့် ၂ နာရီခွဲမှာ ကဇတ်ခသည့် ချယ်ဆီးနန့် ဖူလ်ဟမ် ပရီးမီးယားလိဂ်ပွဲစဥ်၌ ဖီးလစ်သည် ပွဲချိန် ၅၇ မိနစ် မှာ ပြိုင်ဖက်နောက်ခံလူ Kenny Tete ကို ဘောလုံးဖျက်ထုတ်ပုံ ကြမ်းခသည်။ထို့ကြောင့် ဂျာအိုဖီးလစ်အား တိုက် ရိုက်အနီကတ်ဖြင့် ထုတ်ပယ်လိုက်ခြင်း ဖြစ်သည်။
ဂျာအိုဖီးလစ်သည် ချဲယ်ဆီးသို့ ရာသီဝက် အငှားဖြင့် ရောက်ဟိလာပြီး၊ ပွဲဦးထွက်မှာပင် တိုက်ရိုက်အနီကတ် အပြခံ လိုက်ရသည့်အတွက် ၃ ပွဲပယ်ဖြင့် ပွဲထွက်ခွင့် တလနီးပါး ဆုံးယှုံးလားခရသည်။
ချယ်ဆီးအသင်းသည် တိုက်စစ်မှူးသစ် အထုတ်မခံရခင် တဖက်တဂိုးစီသရေကျနီခကေလေ့ ပွဲချိန် ၇၃ မိနစ်တွင် ဖူလ်ဟမ်ဖက်က အနိုင်ဂိုးကို ဗီနီစီချပ်က သွင်းယူခသည့်အတွက် ပွဲအပြီးမှာ ၂-၁ ဂိုးဖြင့် ယှုံးနိမ့်ခရသည်။
လက်ဟိမှာ ဖူလ်ဟမ်အသင်းသည် အမှတ်ပီးဇယား အဆင့်(၆)နီရာသို့ တက်ရောက်လားပြီး၊ ချဲယ်ဆီးအသင်း သည် ရမှတ် ၂၅ မှတ်ဖြင့် အဆင့် (၁၀) ၌ ရပ်တည်နီသည်။
ချဲယ်ဆီးအသင်းသည် ပြိုင်ပွဲစုံ နောက်ဆုံး ၉ ပွဲမှာ ၁ ပွဲရာ အနိုင်ရထားပြီး၊ နည်းပြဟောင်း ဘိုအာ့ချ်လက်ထက် ၂၀၁၁ နောက်ပိုင်း အဆိုးရွားဆုံး ဖြစ်လာခရသည်။
Source – Joao Felix gets straight red card in Chelsea debut
Photo – TEAMTELK
