APM ၊ ဂျန်နဝါရီ ၁၃ /၂၀၂၃
အာဖဂန်နစ္စတန်နိုင်ငံ မြို့တော် ကဘူးလ်ဟိ နိုင်ငံခြားရီးဝန်ကြီးဌာန အပြင်ဖက်တွင် ဂျန်နဝါရီ ၁၁ ရက်နိ၊ ညဇာ ၄ နာရီ ခန့်က အသီခံဗုံးခွဲတိုက်ခသည့်အတွက် အနည်းဆုံးလူ အယောက် ၂၀ သီဆုံးခပြီး၊ အများအပြား ဒဏ်ရာရဟိ လားကြောင်း သိရသည်။
ယင်းအသီခံဗုံးဖောက်ခွဲမှုကို Isis-K ဟု လူသိများသော အိုင်အက်စ်အဖွဲ့၏ နယ်မြီခံ စစ်သွီးကြွများက တိုက်ခိုက် ခကြောင်း BBC သတင်းဌာနက ဖော်ပြသည်။
အဆိုပါ အသီခံ ဗုံးဖောက်ခွဲမှုမှာ အာဖဂန်မြို့တော်၌ ဒေဂုနှစ်အတွင်းဒုတိယအကြိမ်မြောက် ဆိုးရွားသောတိုက်ခိုက် မှုဖြစ်ပြီး၊ ဗုံးခွဲသူက နိုင်ငံခြားရီးဝန်ကြီးဌာနအတွင်းသို့ ဝင်ရောက်ရန်ကြိုးပမ်းခကေလေ့ မအောင်မြင်၍ အဂုကဲ့သို့ ဝန်ကြီးဌာန အပြင်ဖက်၌ ဖောက်ခွဲလိုက်ခြင်းဖြစ်သည်ဟု နိင်ငံတကာမီဒီယာများက ဖော်ပြထားသည်။
Source – Afghanistan: Deadly suicide bombing outside foreign ministry
Published
Photo – BBC
