APM ၊ စပ်တမ်ဘာ ၁၂ / ၂၀၂၃
အသင်းလက်မဲ့ဖြစ်နီရေ မန်ယူနည်းပြဟောင်း အိုလီဂန်နာ ဆိုးလ်သျှားစွာ နော်ဝေဘောလုံးအဖွဲ့ချုပ် (NFF) က လစ်လပ်နီရေ အမျိုးသမီးလက်ရွီးစင်အသင်းနည်းပြရာထူးအတွက် ကမ်းလှမ်းခစွာကို လက်မခံဘဲပယ်ချခကြောင်း သိရပါရေ။
နော်ဝေလူမျိုး နည်းပြ ဆိုးလ်သျှား စွာ ၂၀၂၁ ခုနှစ် နိုဗမ်ဘာလမာ မန်ယူအသင်းကနီ ထုတ်ပယ်ခံလိုက်ရပြီးနောက်ပိုင်း လက်ဟိအချိန်အထိ အသင်းလက်မဲ့ဖြစ်နီစွာပါ။
လက်ဟိမာ နော်ဝေ အမျိုးသမီးလက်ရွီးစင်အသင်း၏ ကမ်းလှမ်းမှုကိုလည်း ဆိုးလ်သျှားက ငြင်းပယ်ခစွာဖြစ်ပါရေ။
“နိုင်ငံ့နည်းပြရာထူးနန့် ပတ်သက်လို့ NFF က ကျနော့်ကို ကမ်းလှမ်းလာစွာဟိပါရေ။ ကျနော်ဖက်က အဆင့်သင့် မဖြစ်သိမ့်လို့ ငြင်းပယ်ခစွာပါ လို့ ဆိုးလ်သျှား က ဆိုပါရေ။
လက်ဟိ နော်ဝေအမျိုးသမီးအသင်းမာ ကမ္ဘာ့ဖလား နန့် ဥရောပချန်ပီယံသျှိဆုသျှင်ဖြစ်တေ နော်ဝေအမျိုးသမီး ကဇတ်သမားဟောင်း နည်းပြ ဟေဂါရီဆာ ရာထူးက နှုတ်ထွက်လားလို့ နည်းပြမဟိဘဲ ဖြစ်နီရေလို့ သိဟိရပါရေ။
Source- Ole Gunnar Solskjaer has turned down the job of Norway women’s coach
Photo- Daily Post Nigeria
