APM ၊ စပ်တမ်ဘာ ၁၂ / ၂၀၂၃
စပ်တမ်ဘာ ၁၁ ရက်နိမာ သံတွဲမြို့နယ်၊ ငပလီမြို့က ရီလုပ်သားအမျိုးသားတယောက် ပုဇွန်ပိုက်ချရေခါ ဘုတ်ထက်က ပြုတ်ကျပနာ ပျောက်နီရေလို့ သိရပါရေ။
ပျောက်နီရေလူမာ ငပလီမြို့၊ ဂျိတ္တောအမှတ်(၅) ရပ်ကွက်က ဦးလှသန်း (ခ)ဦးထားဝေ (၄၇ နှစ်) ဖြစ်တေလို့ သိရပါရေ။
ဦးလှသန်းစွာ ဘုတ်ပိုင်သျှင် ဦးဝင်းထွန်း၊တခြားရီလုပ်သားနှစ်ယောက်ရို့နန့်တတူ စပ်တမ်ဘာ ၉ ရက်နိက ပင်လယ်ထဲသို့ ပိုက်ဆွဲဖို့ထွက်လာကတ်စွာလို့ မိသားစုဝင်တိက ဆိုပါရေ။
စပ်တမ်ဘာ ၁၁ ရက်နိ မိုးထ ၆ နာရီလောက်မှာ ဂွမြို့နယ် ကြွိဂျိုင်နားမာ ဦးလှသန်း ဘုတ်ထက်က ရုတ်တရက် ပြုတ်ကျလားပြီးကေ ပျောက်လားရေလို့ အတူပါလားရေ လူတိက ပြောပါရေ။
ဦးလှသန်းကို ပြုတ်ကျလားခရေ နီရာ အနားတဝိုက် လိုက်ရှာနီကတ်ကေလေ့ လက်ဟိအချိန်ထိ ရှာမတွိသိမ့်လို့ သိရပါရေ။
Photo – Original Uploader
Please follow and like us:
