APM ၊ စပ်တမ်ဘာ ၁၂ / ၂၀၂၃
ဝေးလ်လက်ရွီးစင်အသင်းနည်းပြ ရောဘတ်ပေ့ခ်ျက လက်ဗီးယားလက်ရွီးစင်အသင်း ကို ၂ ဂိုးပြတ်နန့်အနိုင်ရလို့ ယူရို ၂၀၂၄ ပြိုင်ပွဲအတွက် နီရာတခုထိန်းထားနိုင်ပနာ ဖိအားတိလျော့ကျလားကြောင်း အားရဝမ်းသာပြောဆိုပါရေ။
အသင်း၏ ရလဒ်ပိုင်းတိ နန့် ပတ်သက်လို့ ပြင်ပကဝင်လာရေ ဖိအားတိ အများကြီးပါ။ ဒေဂု ကျနော့်ကဇတ်သမားတိ၏ စွမ်းဆောင်ရည်ကြောင့် နိုင်ပွဲပြန်ရခရေအတွက် အထူးဂုဏ်ယူပါရေ လို့ နည်းပြ ရောဘတ်ပေ့ခ်ျက ဆိုပါရေ။
စပ်တမ်ဘာ ၁၁ နိညည့်က ကဇတ်ခရေ ယူရို ၂၀၂၄ ပွဲစဉ်မာ ဝေးလ်အသင်းအတွက် အသင်းခေါင်းဆောင် အာရွန်ရမ်ဆေး က ၁ ဂိုး၊ ဒေးဗစ်ဘရွတ်ခ် က ၁ ဂိုး သွင်းယူခပြီး ဒုတိယမြောက်နိုင်ပွဲရဟိခပနာ အုပ်စု (D) အဆင့် (၃) မာ ရမှတ် ၇ မှတ် နန့် ရပ်တည်နီပါရေ။
နည်းပြ ရောဘတ်ပေ့ခ်ျစွာ ၁၉၅၈ ခုနှစ်နောက်ပိုင်းကစလို့ ဝေးလ်လက်ရွီးစင်အသင်းကို ၂၀၂၂ ကမ္ဘာ့ဖလားသို့ ပို့ဆောင်ပီး နိုင်ခရေ နည်းပြတယောက်ဖြစ်ကြောင်း သိဟိရပါရေ။
ဝေးလ်အသင်းစွာ နောက်ထပ် ယူရို ၂၀၂၄ ပွဲစဉ်တိအဖြစ် လာဖို့အောက်တိုဘာလမာ ခရိုအေးသျှား၊ နိုဗမ်ဘာလမာ အာမေးနီးယား၊ တူရကီအသင်းရို့နန့် ယှဉ်ပြိုင်ကဇတ်ရဖို့ဖြစ်ပါရေ။
Source- Proud Page delighted after Wales win over Latvia eases pressure/Reuters
Photo-BBC
