APM ၊ စပ်တမ်ဘာ ၁၂ / ၂၀၂၃
ဂရိနိုင်ငံ၊ အေသင်မြို့အနားမာ စပ်တမ်ဘာ ၁၁ ရက်နိက သီနတ်ပစ်ခတ်မှုတခုအတွင်း လူ ၆ ယောက် သီဆုံးခကြောင်း ဂရိရဲတပ်ဖွဲ့ က ထုတ်ပြန်ပါရေ။
သီနတ်ပစ်ခတ်မှုရေ အေသင်မြို့အရှိဖက် ၁၂ မိုင်လောက်အကွာဟိ ပင်လယ်ကမ်းခြီမြို့ဖြစ်တေ အာတီမီဒါမာမြို့မာ စပ်တမ်ဘာ ၁၁ ရက်နိ၊ ညဇာပိုင်းက ဖြစ်ပွားခစွာလို့ ဆိုပါရေ။
ရဲတပ်ဖွဲ့၏ ထုတ်ပြန်ချက်မာ ပစ်ခတ်မှုဖြစ်ပွားရရေအကြောင်းနန့် သီဆုံးလူနာမည်စာရင်းတိနန့်ပတ်သက်လို့ အသေးစိတအချက်အလက်တိကို ဖော်ပြထားစွာမဟိပါ။
ဂရိအစိုးရပိုင် ERT ရုပ်မြင်သံကြားက ယင်းသီနတ်ပစ်ခတ်မှုမှာ အမျိုးသား ၇ ယောက်သီဆုံးခပြီးကေ ရာဇဝတ်ဂိုဏ်း အချင်းချင်း အငြင်းပွားမှုတိနန့် ဆက်စပ်နီရေလို့ ဖော်ပြပါရေ။
အခင်းဖြစ်တေနီရာမာ ရဲတပ်ဖွဲ့က ကျည်ခွံ ၂၅ ခုကို တွိဟိခပြီးကေ ပြစ်မှုကျူးလွန်ရေ သီနတ်သမားများကို စုံစမ်းစစ်ဆီးမှုများ ပြုလုပ်နီရေလို့ ဆိုပါရေ။
ပြီးခရေလတိကလည်း ဂရိမာ ဂိုဏ်းအချင်းချင်း သတ်ဖြတ်မှုတိဖြစ်ပွားခပြီး တချို့ဖြစ်ရပ်တိမှာ လောင်စာဆီ မှောင်ခို ရောင်းချမှုတိနန့် ဆက်စပ်နီကြောင်း သိဟိရပါရေ။
Source – 6 people fatally shot in Greece, at a seaside town near Athens
Photo The Print
