
APM၊ ဂျူလိုင် ၁၂ / ၂၀၂၃
ဘင်္ဂလားဒေ့ချ်နိုင်ငံတွင် ဂျူလိုင် ၁၁ ရက်နိမိုးထပိုင်းအထိ၂၄ နာရီအတွင်း သွီးလွန် တုပ်ကွေးရောဂါကြောင့် လူ ၇ ယောက် သီဆုံးခပြီး ဒေဂုနှစ်တွင် သွီးလွန်တုပ်ကွေးဖြစ်၍သီဆုံးမှုအများဆုံးဟု သိရသည်။
သွီးလွန်တုပ်ကွေးကြောင့် လူ ၇ ယောက်ထပ်မံသီဆုံးလားသည့်အတွက် ဒေဂုနှစ်အတွင်း သွီးလွန်တုပ်ကွေးကြောင့် သီဆုံးလူ ၈၃ ယောက်ဟိလာသည်ဟု ကျန်းမာရီးဝန်ဆောင်မှုများ ညွှန်ကြားမှုဦးစီးဌာန (DGHS) က ပြောကြားသည်။
ယင်းအပြင် ၂၄နာရီအတွင်း သွီးလွန်တုပ်ကွေးရောဂါဖြစ်ပွားလူ ၁,၀၅၄ ယောက်ဟိခသည့်အတွက် မြို့တော်ဒါကာအပါအဝင် နိုင်ငံတဝန်းလုံးတွင် သွီးလွန်တုပ်ကွေးဖြစ်ပွား၍ ဆီးရုံများ၌ ဆီးကုသမှုခံနီရလူ ၃,၃၀၃ ယောက် ဟိသည်ဟု ဆိုသည်။
ဘင်္ဂလားဒေ့ချ်တွင် သွီးလွန်တုပ်ကွေးဖြစ်ပွား၍၂၀၂၂ ခုနှစ်က လူ ၂၈၁ ယောက် သီဆုံးခပြီး ၂၀၁၉ ခုနှစ်တွင် ၁၇၉ ယောက် သီဆုံးခကြောင်း DGHS ၏ အချက်အလက်များအရ သိဟိရသည်။
Source – Dengue: Bangladesh logs record single-day deaths, cases/ Dhaka Tribune
Photo – Dhaka Tribune
