APM ၊ ဧပြီ ၁၂ / ၂၀၂၃
ရသေ့တောင်မြို့စစ်ဖီးယှောင်းစခန်းများတွင် ကုန်ခသည့်မာ့ချ်လမှစ၍ သောက်သုံးရီမလုံလောက်မှု ပြဿများနန့် ရင်ဆိုင် နီကတ်ရ ကြောင်း သိရသည်။
ရသေ့တောင်မြို့ထက် စစ်ဖီးယှောင်စခန်း ၂၄ ခုဟိပြီး လူဦးရေ နှစ်သောင်းကျော်ခိုလှုံလျက်ဟိကာ လက်ဟိတွင် တမြို့ လုံး ကို ရီဖြန့်ဝီပီးနီသည့် ကန်တော်ကြီး၌ ရီနည်းလာ၍ ရီကို အချိန်နန့် ရက်ခြားပီးနီရသည့်အပြင် ယင်းသို့ပီး ရာတွင်လေ့ လုံလုံ လောက်လောက်မရသဖြင့် အခက် ကြုံနီကတ်ရသည်။
စစ်ဖီးယှောင်အများစုမှာ ယင်းသို့ ရီလုံလောက်စွာ မရ၍ ရီသန့်ဝယ်သောက်ရန် ငွေကြေးမတတ်နိုင်သောကြောင့် မသန့် ယှင်းသည့်ရီကိုသောက်သုံးနီကတ်ရကာ စခန်းအများစု၌ ဝမ်းရောဂါ ဖြစ်ပွားနီကြောင်းသိရသည်။
ပြီးခသည့်နှစ်များကလေ့ ရသေ့တောင်မြို့ထက်စစ်ဖီးယှောင်စခန်းများတွင်ရီယှားပါးသည့်ပြဿများနန့် ရင်ဆိုင်ခရ ချိန် ICRC ၏အထောက်အပံ့ရခပြီး ဒေနှစ်မှာတော့ ICRCထောက်ပံ့မှုမရဟု ဆိုသည်။
ရသေ့တောင်မြို့နယ်တခုလုံးတွင် စစ်ဖီးယှောင်စခန်း ၃၀ ကျော်ဟိပြီး စစ်ဖီးယှောင် သုံးသောင်းကျော် ခိုလှုံလျက် ဟိကာ အများစုမှာ မြို့ထက် စစ်ဖီးယှောင်စခန်းများ၌ ခိုလှုံနီကတ်ခြင်းဖြစ်ကြောင်း သိရသည်။
Photo- ABN
