APM ၊ နိုဗမ်ဘာ ၁၂/ ၂၀၂၃
ဝပြည်၊ နန်းတစ်အထူးမြို့နယ်ဖက်သို့ ကိုးကန့်ဒေသဖက်ကဝင်ရောက်လာရေ စစ်ဖီးယှောင်ပြည်သူတိကို ဝ ရဲတပ်ဖွဲ့က လူသားချင်းစာနာထောက်ထားရီးအကူအညီတရုတ်ယွမ်၂၇၀,၀၀၀ ကျော်(မြန်မာကျပ်ငွေ သိန်း ၁၂၀၀ ကျော်) ဒေရက်ပိုင်းမာ လားရောက်လှူဒါန်းခရေလို့ UWSA ပြန်ကြားရီးဌာနက ဆိုပါရေ။
သျှမ်းမြောက်ဒေသဖမာ ညီနောင်မဟာမိတ်(၃)ဖွဲ့ စစ်ဆင်ရီးစတင်ပြီးနောက်ပိုင်းစစ်ဖီးယှောင်ပြည်သူတချို့တရုတ် နိုင်ငံထဲသို့ ဝင်ရောက်ခိုလှုံနီကတ်ပြီးကေ ဝပြည်ထဲသို့လည်း နန်တစ်အထူးမြို့နယ်ကတဆင့် ဝင်ရောက်နီကတ်စွာဖြစ်ပါရေ။
ဝပြည်ထဲသို့ ဝင်ရောက်လာရေ စစ်ဖီးယှောင်တိထဲက နီရပ်ပြန်ချင်ရေ စစ်ဖီးယှောင်ပြည်သူတိကိုလေ့ ဝပြည်နယ် နယ်စပ်ဂိတ်တိဖြစ်တေ မိုင်းယန်းနန့် မိုင်းပတ် ဂိတ်အထိ UWSA ဝတပ်ဖွဲ့ တာဝန်ဟိသူတိက စီစဉ်ပို့ ဆောင်ပီးနီရေလို့ သိရပါရေ။
Photo – Original Uploader
Please follow and like us:
