APM၊ ဂျန်နဝါရီ ၁၂ / ၂၀၂၄
မောင်တောမြို့နယ်မာ ဂျန်နဝါရီ ၁၁ ရက်နိ၊ ညဇာက စစ်ကောင်စီပစ်ခတ်လိုက်တေ လက်နက်ကြီးကျ ရောက်ပေါက်ကွဲလို့ ဒေသခံတယောက်ထိခိုက်ဒဏ်ရာရလားကြောင်း သိရပါရေ။
ဒဏ်ရာရလားရေလူစွာ မောင်တောမြို့နယ်၊ ဗောဓိကုန်းရွာက ဇူလိုင်မောင်(၂၄နှစ်)ဖြစ်ပါရေ။
ဂျန်နဝါရီ ၁၁ ရက်နိ၊ ညဇာ ၇ နာရီ ၃၀ မိနစ် အချိန်မာ မောင်တောမြို့၊ မြို့သူကြီးအခြီစိုက် နခခ(၅) တပ်ရင်းက အပါးဟပ်စပ်က ရပ်ရွာတိကို လက်နက်ကြီးတိနန့် ရည်ရွယ်ချက်ဟိဟိ ပစ်ခတ်ခရေလို့ ဒေသခံတိကဆိုပါရေ။
ယင်းအထဲက လက်နက်ကြီးကျည် ၆ လုံးစွာ ဗောဓိကုန်းရွာသို့ ကျရောက်ပေါက်ကွဲခပြီးကေ ယင်းရွာနီ ဇူလိုင်မောင်၏ နောက်ကုန်းကို လက်နက်ကြီးကျည်စထိမှန်ဒဏ်ရာရဟိခစွာလို့ သိရပါရေ။
Please follow and like us:
