(စပ်တမ်ဘာ ၄ ရက်နိမှ ၁၀ ရက်နိအထိ)
၁။ ၅-၆-၂၀၂၃ (တလင်းလာ)
ရက္ခိုင်မာ Mocha ဆိုင်ကလုန်းမုန်တိုင်းအပြီး ၄ နီးပါးကြာလာကေလေ့ မုန်တိုင်းသင့်မြို့နယ်တိက မုန်တိုင်းကြောင့် ပျက်စီးလားရေစာသင်ကျောင်းတိစွာ လက်ဟိအချိန်ထိ မပြုပျင်နိုင်သိမ့်လို့ သိရပါရေ။
၂။ ၆-၉-၂၀၂၃(ဗုဒ္ဓဟူး)
ဘူးသီးတောင်မြို့နယ်မာ မြန်မာစစ်တပ် တပ်ဖွဲ့ဝင်တိက ဒေသခံတိပိုင်ဆိုင်ရေ ကျွဲနွားတိကို ဖမ်းယူပနာ ငွေညှစ်မှုတိ လုပ်နီပါရေ။
၃။၇-၉-၂၀၂၃(ကြာသပတီး)
(၁) စပ်တမ်ဘာ ၇ ရက်နိ မိုးထက သံတွဲမြို့အနောက်တောင်ဖက် ၉၂ မိုင် အကွာ၊ မာန်အောင်ကျွန်း တောင်ဖက် ၁၀၅ မိုင် အကွာ ရက္ခိုင့်ပင်လယ်ပြင်သို့ တရုတ်အာကာသယာဉ်စွန့်ပစ်ပစ္စည်းတိ ကျရောက်ခပါရေ။
၄။ ၈-၉-၂၀၂၃(သောကြာ)
(၁) မင်းပြားမြို့ စိမ်းလန်းစိုပြေ သာယာလှပစီဖို့ရည်ရွယ်ပြီးကေ မင်းပြားမြို့ သစ်ပင်စိုက်ပျိုးထိန်းသိမ်း စောင့်ယှောက်ရီး အဖွဲ့(Green Mongbra Association – GMA) နန့် ကျောင်းသားလူငယ်တိပူးပေါင်းပနာ အရိပ်ရသစ်ပင်တိ စိုက်ပျိုးခကတ် ပါရေ။
(၂) ကျောက်ဖြူမာ စပ်တမ်ဘာ ၆ ရက်နိက ရက္ခိုင်အမျိုးသားဖွဲ့ချုပ် ULA အုပ်ချုပ်ရီးအဖွဲဝင် ဂုံးချွိန်တိုက်နယ်၊ လိပ်ခမော် အုပ်စု၊ ဂေါ်တူရွာသား ကိုဟန်လင်းကို စစ်ကောင်စီတပ်က ဖမ်းယူလားခပြီးနောက် မရှေးမနှောင်းမာ စစ်ကောင်စီတပ် အရာ ဟိ တယောက် နန့် ရဲတပ်ဖွဲ့ဝင် နှစ်ယောက်၊ ပေါင်း သုံးယောက်ကိုလည်း ရက္ခိုင့်တပ်တော် AA က ဖမ်းယူလားခပြီးကေ ကိုဟန်လင်းကိုတော့ စပ်တမ်ဘာ ၇ ရက်နိ ညည့် ၈ နာရီက ပြန်လွှတ်ပီးလိုက်ပါရေ။
၅။ ၉-၉-၂-၂၃ (စနီ)
အမ်းမြို့နယ်မာ စပ်တမ်ဘာ ၉ ရက်နိ ကျရောက်တေဆရာတော်အသျှင်ဥတ္တမပျံလွန်တော်မူခရေ( ၈၄ ) နှစ်မြောက်နိ အထိမ်းအမှတ်အဖြစ် သစ် ပင် ၈၄၀ စိုက်ပျိုးခပါရေ။
