APM ၊ စပ်တမ်ဘာ ၁၁ / ၂၀၂၃
နိုင်ဂျီးရီးယားအလယ်ပိုင်း နိုင်ဂျာမြစ်ထဲ စပ်တမ်ဘာ ၁၀ ရက်နိက ဘုတ်တစီး မှောက်လို့ လူ ၂၄ ယောက်ထက်မနည်း သီဆုံးပနာ လူအများ အပြား ပျောက်ဆုံးနီရေလို့ သိရပါရေ။
ခရီးသည် ၁၀၀ ကျော် လိုက်ပါလာရေ ဘုတ်စွာ Minna မြို့က ၁၅၆ မိုင်အကွာ မော်ခ်ဝါဒေသ နိုင်ဂျာမြစ်ထဲမာ မှောက်ခစွာ ဖြစ်ပြီးကေအမျိုးသမီးနန့် အချေ အများစု သီဆုံးခရေလို့ နိုင်ဂျီးရီးယားအမျိုးသားအရေးပေါ် စီမံခန့်ခွဲမှုအေဂျင်စီက ဆိုပါရေ။
ဘုတ်မှောက်မူဖြစ်စဉ်အတွင်း လူပေါင်း ၃၀လောက်ကို ကယ်တင်နိုင်ခပြီးကေ လူ ၄၆ ယောက်ထက်မနည်း ပျောက်နီသိမ့်ရေလို့ အေဂျင်စီ ပြောခွင့်ရ Zainab Sulaiman က ပြောပါရေ။
ပျောက်နီရေလူတိကို ကယ်ဆယ်ရီးသမားတိနန့် ရီငုပ်သမားရို့က ဆက် လက်ရှာဖွီနီရေလို့ သူက ဆိုပါရေ။
နိုင်ဂျီးရီးယားနိုင်ငံအတွင်း ရီကြောင်း ခရီးလားလာဖို့ သစ်သားဘုတ်တိကို အဓိကသုံးလိ ဟိကတ်ပါရေ။
ယင်းပိုင် ဘုတ်တိ အသုံးပြုလားလာရေခါ လူတိကို အများအပြား တင်ကတ်တေအတွက် ဘုတ်မှောက်မှုတိ မကြာမကြာဖြစ်နီပြီးကေ ကုန်ခရေ သုံးလအကြာကလည်း ဘုတ်မှောက်လို့ လူ ၁၀၀ကျော် သီဆုံးခပါသိမ့်ရေ။
Source – A boat capsizing in north-central Nigeria killed at least 24 people. Dozens of others are missing
Photo AP
