APM ၊ စပ်တမ်ဘာ ၁၁ / ၂၀၂၃
ပြီးခရေ စပ်တမ်ဘာ ၁၀ ရက်နိညဇာပိုင်းအချိန်၊ မြောက်ဦးမြို့က ၄ နှစ်အရွယ် အချေတယောက် ရီမြုပ်သီဆုံးလားကြောင်း သိရပါရေ။
ရီမြုပ်သီးဆုံးလားရေအချေမှာ မြောက်ဦးမြို့၊ ဗန္ဓုလရပ်ကွက်နီ အဖ ဦးထွန်းထွန်းဦး အမိ ဒေါ်ဦးခင်ကျော့ရို့၏ သား မောင် ဝင်းငြိမ်းဇော် ဖြစ်ပါရေ။
မောင်ဝင်းငြိမ်းဇော်ရေ ယင်းနိ ညဇာ ၅ နာရီလောက်က သူ၏အစ်မဖြစ်သူနန့် ကဇတ်နီရာက မောလိပ်ကန်ထဲပြုတ်ကျပနာ ရီမြုပ်သီဆုံးလားရေ လို့ဆိုပါရေ။
မောင်ဝင်းငြိမ်းဇော်၏ ရုပ်အလောင်းကိုတော့ ညကပင် ညည့် ၈နာရီအချိန် ရွာ သင်္ချိိုင်းမာ မြှုပ်နှံသင်္ဂြိုလ်လိုက်တေလို့ သိရပါရေ။
ရက္ခိုင်ပြည်မာ ကုန်ခရေ ဂျုန် ၂၈ ရက်နိကစလို့ လက်ဟိအချိန်ထိ ရီမြုပ်သီဆုံးလူ ၃၅ ယောက်ထက်မနည်းဟိခပြီးကေ ယင်းအထဲမှာ အချေ ၁၃ ယောက်ထက်မနည်းပါဝင်နီကြောင်း သိဟိရပါရေ။
Please follow and like us:
